“Dzidzɔtɔwoe nye ame siwo le Mawu ƒe nya la sem, eye wole edzi wɔm!”—Luka 11:28, Xexe Yeye Gɔmeɖeɖe.

Ana lɔlɔ̃ vavã nanɔ ƒomea me.—Efesotɔwo 5:28, 29.

Miade bubu deto mia nɔewo ŋu.—Efesotɔwo 5:33.

Miaka ɖe mia nɔewo dzi bliboe.—Marko 10:6-9.

Ɛ̃, míate ŋu aka ɖe edzi, le susu eve ya teti ta:

• Mawue ɖo ƒomegbenɔnɔ anyi. Biblia gblɔ be Yehowa Mawu gbɔe ‘ƒome sia ƒome kpɔ eƒe ŋkɔ tsoe.’ (Efesotɔwo 3:14, 15) Esia fia be Yehowae ɖo ƒomegbenɔnɔ anyi. Nu ka tae nya sia le vevie?

  Bu eŋu kpɔ: Ne èle nuɖuɖu vivi aɖe ɖum eye nèdi be yeanya nu vovovo siwo wotsɔ ɖae la, ame kae nàbia? Nyuitɔae nye be nàbia ame si ɖa nua.

  Nenema kee ne míedi be míanya nu siwo ana dzidzɔ nanɔ ƒomea me la, anyo be míatrɔ ɖe Yehowa ŋu, elabena eyae ɖo ƒomegbenɔnɔ anyi.—1 Mose 2:18-24.

• Mawu tsɔ ɖe le eme na wò. Nunya le eme be ƒomea me tɔ ɖe sia ɖe nawɔ ɖe aɖaŋu nyui siwo Yehowa ɖo le eƒe Nya Biblia me la dzi. Nu ka tae? “Elabena eléa be na mi.” (1 Petro 5:6, 7) Yehowa di be nàkpɔ dzidzɔ, eye eƒe aɖaŋuɖoɖowo dzi wɔwɔ aɖe vi na wò ɣesiaɣi.—Lododowo 3:5, 6; Yesaya 48:17, 18.