Ha to ãkrén nĩ: Ã tỹ museu ra tĩg kỹ, ã tỹ estátua si e vég tĩ. Ag tóg kókén kỹ nỹtĩ. Hã ra estátua ũ pir vỹ tỹ ũꞌ nĩ, ti pi kókén kỹ nĩ. Ã jykre ki, estátua tag tỹ estátua ẽn ag tãg kãfór nĩ. Hã ra ũn tỹ museu mỹ rãnhrãj tĩ ã mỹ tó: “Estátua tag tỹ estátua ẽn ag si kãfór nĩ, kar ũn pi hã re kã ti ki han mũ.” Kỹ ã ti mỹ tó: ‘Ũn mỹ estátua tag nĩm han mũ ti pi vẽnh kókén jé?’, kar sir ti tỹ ã mỹ ke tĩ: “Vaꞌ. Jérĩn mỹ estátua tag nén ũ jagy e kato tã mũ, ti pi kókén ja nĩ.” Kỹ ã tỹ vẽso jykren tĩ: ‘Ne tugnĩn ti vỹ tỹ ũꞌ nĩ?’

Estátua tag ri ke, Topẽ Vĩ Rá tỹ livro kókén ja ag si kãfór nĩ. Ũri cientista ag tỹ ki kanhró nỹtĩ livro ẽn ag pi ki hã kãmén tĩ, ciência to kar vẽnh kaga to.

Jãvo, Topẽ Vĩ Rá tỹ tỹ livro kar kri ke nĩ. Jérĩn mỹ Topẽ Vĩ Rá tóg rán kỹ nĩ prỹg tỹ 3500 kãfór tỹ nỹ, ti pi kókén mũ, ge ra ũn tỹ ti kato vãsãn mũ ti tỹ tũꞌ ke jé. Jérĩn mỹ Topẽ Vĩ Rá vỹ si nĩ, ti vẽnh jyvẽn há tỹ ẽg ajũna ke tĩgtĩ.

Hẽ ri ke mũn ã tỹ vẽso jykrén tĩ: ‘Ũri Topẽ Vĩ Rá vẽnh jyvẽn mỹ ẽg ajũna ke tĩ hẽn?’ Ã tỹ tag ki kanhró jé, tag to ãkrén nĩ: ‘Eprã ke tỹ nén ũ jagy kãfór ag tỹ ne kato tẽgtẽ mũ?’ Ũri ũn ag tỹ jagnẽ to jũgjũ tĩ kar ũn ag tỹ ga kókén mũ, kar ẽprã ke pãꞌi pi ũn ag ki rĩr há tĩ. Hã ra ũn ag tỹ Topẽ Vĩ Rá ki króm kỹ, ag mỹ mỹ há pẽ nỹtĩnh mũ hẽn?

JAGNẼ KRĨ TỸ KÃNHVY KEM NĨ

“Topẽ vỹ ãjag ve há han mũ, ãjag tỹ jagnẽ krĩ tỹ kãnhvyꞌ hen kỹ. Kỹ Topẽ tóg ãjag to: ‚inh krẽ ag vẽ‘ henh ke mũ.”(Mateus 5:9) “Vãsãn nĩ, ãjag tỹ ũ to krĩ rỹ han tũ nĩ jé, ãjag tỹ vẽnh kar to krĩ kũprã nỹtĩ jé.” — Roma 12:18.

JAGNẼ JAGÃGTÃN KAR JAGNẼ MỸ VẼNH PÃTE FÓN NĨ

“Topẽ vỹ ãjag ve há han mũ, ãjag tỹ jagnẽ jagãgtãn kỹ. Kỹ Topẽ vỹ ãjag jagãgtãn ke mũ gé.” (Mateus 5:7) “Jagnẽ to jũ tũg nĩ. Jagnẽ mỹ vẽnh pãte fón nĩ, ũ tỹ ãjag mỹ vĩ kónãn kỹ. Ẽg Senhor vỹ ẽg mỹ vẽnh pãte fón tĩ gé. Kỹ jagnẽ mỹ vẽnh pãte fón nĩ, ti ri kén.” — Colossos 3:13.

JAGNẼ TO É HE TŨG NĨ

Topẽ “tóg vẽnh kyvénh pir tỹ ẽprã ke kar hyn han, nação kar, ga kar mĩ mũ ag. Tỹ ẽg vẽnh kyvénh pir nỹtĩ.” (Han Kãme 17:26) “Topẽ mỹ nén ũ tũ vẽ, Judeu he mũ ẽn ag, fóg he mũ ẽn ag ke gé, kanhgág ag ke gé, Judeu jykre han tũ kar ag. Ũ tỹ ti kamẽg mũ hã vỹ ti mỹ há nỹtĩ, ũ tỹ vẽjykre kuryj han mũ ag kar, povo kar kãmĩ.” — Han kãme 10:34, 35.

GA KI RĨRM NĨ

“Kỹ ẽg Senhor Topẽ tóg ũn ve ti fẽg, ti tỹ Éden ki rĩr jé, ti tỹ tá nén kar krãn jé.” (Gênesis 2:15) Topẽ “tóg ũ tỹ ẽprã ke ag kókén ja ẽn ag kókén kãn ke mũ ha, vẽnh kaja jé.” — Nén venh ke 11:18.

JÃNKAMY MÁG VE SÓR TŨG NĨ KAR ŨN PRŨ TŨ MRÉ NỸ ŨN MÉN TŨ MRÉ NỸ HAN SÓR TŨG NĨ

‘Ker nén ũ to én hẽꞌ. Ẽg tỹ nén kar nĩ pijé ẽg rĩr han ke mũꞌ. Ẽg tũ mág nĩ tugrĩn ẽg pijé mũ há han ke mũꞌ.’ (Lucas 12:15) “Topẽ tũ vỹ tỹ ãjag nỹtĩ. Hã kỹ vẽjykre pãno tỹ vẽmén sór tũg nĩ, ãjag tỹ han sór tũ nĩ jé. Ẽg prũ tũ mré nỹ, ẽg mén tũ mré nỹ, tỹ vẽmén sór tũg nĩ. Ãjag tỹ nén e tỹ vãsãn tũg nĩ, kỹ tỹ vémén sór tũg nĩ gé.” — Éfeso 5:3.

TỸ ŨN JYKRE KURYJ KAR RÃNHRÃJ KAMÃ NĨM NĨ

“Isỹ nén ũ kuryj han sór vẽ mỹr, tag hã to sóg jykrén tĩ.” (Hebreu 13:18) “Vãsỹ ãjag kãmĩ ũ vỹ ũ tỹ nén ũ pigju mẽ ja nĩgtĩ. Kỹ ẽn han mãn tũg nĩ. Ãjag rãnhrãj nón ãjag mũnh ke mũ ũri, ãjag tỹ ãjag rãnhrãj to nén ũ kar ve jé.” — Éfeso 4:28.

ŨN AG AJŨNA KEM NĨ

“Ũ tỹ kãnhmar krónh ke tĩ ag mré komẽr hã vĩm nĩ. Ũn fe krój ag fe tỹ tarꞌ hem nĩ. Vẽnh kar mỹ komẽr hã vĩm nĩ.” (1 Tessalônica 5:14) “Ũn panh ter mũ kar jagãgtãn kãn jé ẽg tóg ke mũ, ũn mén ter ja fag ke gé, ũn jagtar fag.” — Tiago 1:27.

Topẽ Vĩ Rá vỹ ẽg mỹ ven tĩ, ẽg ne han ke nỹtĩ ẽg tỹ mũ há han jé, kar ẽg hã ren kỹ ti vẽnh jyvẽn há ki króm tĩ ti. Ã jykre ki, ũn e tỹ Topẽ Vĩ Rá ki króm kỹ, ag mỹ mỹ sigsér nỹtĩnh mũ hẽn? Topẽ Vĩ Rá vẽnh jyvẽn vỹ ẽg ajũna ke tĩgtĩ mỹr. Hã ra ũri, Topẽ Vĩ Rá hã ren kỹ ã ajũna ke tĩ?

Jesus tóg: “Hã ra ẽg tóg ẽg tỹ ũ jykre tugnỹm kỹ ti jykre há ẽn ki kanhró nĩ sir.” (Mateus 11:19) Ẽg tỹ vẽnh jyvẽn ki króm kỹ, ẽg tỹ ki kanhró nỹtĩ sir ti vỹ há nĩ ke tũ nĩn kỹ vaꞌ. Hã tugnĩn, hã re mũn ã tỹ vẽso jykren tĩ: ‘Topẽ Vĩ Rá tỹ tỹ vẽnh rá há kãfór nĩn kỹ, ti tỹ inh ajũna ke ke nĩ mỹr. Hã ra ũri, ti hã ren kỹ tag han tĩ, inh mỹ?’ Ha vé vẽnh kãme ũ pir ti.

Cláudia fi tỹ vida mỹ há nĩ vã. Hã ra vẽsỹmér ke tĩ nén kar tóg kãn mũ, fi mỹ. Fi kósin fi tóg ter mũ, fi mén tóg fi fón mũ, kar fi tỹ név e nĩ vã. Fi tóg: “Nén ũ tag ag tỹ inh mỹ hã ri ken kỹ inh mỹ kórég tãvĩ. Isỹ rĩr hã ki tĩ sór tũ nĩ vã.”

Nén ũ tỹ fi mỹ hã ri ké vỹ ẽg mỹ ven tĩ, Salmo 90:10 vỹ ki hã kãmén tĩ: “Hẽn ri ke mũn ẽg tag ki prỹg tỹ 70 han ke mũ, ẽg tar pẽ nỹtĩn kỹ tóg tỹ prỹg tỹ 80 nỹtĩ. Hã ra ẽg tóg krónhkrój nỹtĩ, kỹ nén kar tóg ẽg mỹ e tĩ.”

Cláudia tóg Topẽ Vĩ Rá to kanhrãn mũ, kar tag vỹ fi tar han mũ. Vẽnh kãpóv ũ ag tỹ ẽg mỹ ven ke vã, ũn e tỹ Topẽ Vĩ Rá ki króm kỹ, tag vỹ ag tar han mũ gé. Ag mỹ, Topẽ Vĩ Rá tỹ tỹ livro kar kri ke nĩ. Hã ra ne tugnĩn? Topẽ Vĩ Rá mỹ tỹ Topẽ tũ nĩ hẽn​ — 1 Tessalônica 2:​13.

à tỹ nén ũ jagy kato vãsãn kỹ, ã ne han ke nĩ, ã tỹ nén jagy tag ag vẽnh pãtá rãg há han jé?