“[Xwedê] wê ji çavên wan hemû hêstirên wan paqij bike û êdî mirin wê nebe. Êdî şîn û girîn, êş û elem jî wê nebin; çimkî tiştên berê bihûrîn” (Peyxam 21:4).

Emê ji hemû karên xwe kêfê bistînin (Îşaya 65:21-23).

Nexweşî û kul û derd wê tune bibin (Îşaya 25:8; 33:24).

Emê bi heval û merivên xwe re heta bi hetayê bijîn (Zebûr 37:11, 29).

Belê! Bala xwe bidin van sebeban:

• Xwedê dikare sozên xwe bîne cih. Qudreta Xwedê bêsînor e. Ji ber vê yekê, Kitêba Pîroz wî wek “Karîndarê her tiştî” bi nav dike (Peyxam 15:3). Belê, Xwedê – yê ku navê wî Yehowa ye – dikare sozên xwe bîne cih û halê dinyayê rast bike. Çawa ku Kitêba Pîroz dibêje: “Li cem Xwedê her tişt mimkun e” (Metta 19:26, KP).

• Xwedê dixwaze sozên xwe bîne cih. Mesela, Kitêba Pîroz dibêje ku Yehowa wê kesên mirî rake (Karên Şandiyan 24:15). Wekî din, Kitêba Pîroz dibêje: “Nêzikî dilşikestiyan e Xudan, ruhê wî rizgar dike bindestan” (Zebûr 34:18). Belê, Xwedê hazir e ku alî xizmetkarên xwe yên hewcedar bike.

  Loma em dikarin bawer bin ku Xwedê hem dikare hem jî dixwaze halê dinyayê rast bike! (Zebûr 72:12-14; 145:16; 2. Petrûs 3:9).