“ຄົນ​ທັງ​ຫຼາຍ​ທີ່​ຟັງ​ພະ​ຄຳ​ຂອງ​ພະເຈົ້າ​ແລະ​ຂັບ​ຕາມ​ພະ​ຄຳ​ນັ້ນ​ກໍ​ເປັນ​ສຸກ.”—ລືກາ 11:28

ໄດ້​ຄວາມ​ຮັກ​ທີ່​ແທ້​ຈິງ.—ເອເຟດ 5:28, 29

ໄດ້​ຄວາມ​ນັບຖື​ທີ່​ຈິງ​ໃຈ​ຕໍ່​ກັນ.—ເອເຟດ 5:33

ໄດ້​ສາຍ​ສຳພັນ​ທີ່​ໝັ້ນ​ຄົງ​ຖາວອນ.—ມາລະໂກ 10:6-9

ເຊື່ອ​ໄດ້​ແທ້ ຢ່າງ​ໜ້ອຍ​ມີ​ເຫດຜົນ​ສອງ​ຢ່າງ:

• ພະເຈົ້າ​ເປັນ​ຜູ້​ທີ່​ສ້າງ​ຕັ້ງ​ຄອບຄົວ. ຄຳພີ​ໄບເບິນ​ກ່າວ​ວ່າ “ຄອບຄົວ​ທັງ​ປວງ . . . ມາ​ແຕ່​ພະອົງ [ພະ​ເຢໂຫວາ].” (ເອເຟດ 3:14, 15) ໝາຍ​ຄວາມ​ວ່າ ພະ​ເຢໂຫວາ​ເປັນ​ຜູ້​ທີ່​ລິເລີ່ມ​ໃຫ້​ມີ​ຄອບຄົວ. ເປັນ​ຫຍັງ​ເລື່ອງ​ນີ້​ຈຶ່ງ​ມີ​ຄວາມ​ສຳຄັນ?

  ຂໍ​ໃຫ້​ຄິດ​ເບິ່ງ​ວ່າ​ຖ້າ​ເຮົາ​ກິນ​ອາຫານ​ເຍື່ອງ​ໜຶ່ງ​ທີ່​ແຊບ​ຫຼາຍ ແລ້ວ​ຢາກ​ຮູ້​ວ່າ​ເຂົາ​ເຈົ້າ​ໃສ່​ຫຍັງ​ແດ່ ເຮົາ​ຈະ​ຖາມ​ໃຜ? ເຮົາ​ຄວນ​ຈະ​ຖາມ​ຄົນ​ທີ່​ເຮັດ​ອາຫານ​ນັ້ນ.

  ຄ້າຍ​ຄື​ກັນ ເພື່ອ​ຈະ​ຮູ້​ວິທີ​ທີ່​ຈະ​ເຮັດ​ໃຫ້​ຄອບຄົວ​ມີ​ຄວາມ​ສຸກ ເຮົາ​ກໍ​ຕ້ອງ​ຖາມ​ພະ​ເຢໂຫວາ​ຜູ້​ທີ່​ລິເລີ່ມ​ໃຫ້​ມີ​ຄອບຄົວ.—ຕົ້ນເດີມ 2:18-24

• ພະເຈົ້າ​ເປັນ​ຫ່ວງ​ພວກ​ເຮົາ. ທຸກໆຄອບຄົວ​ຄວນ​ຈະ​ຮັບ​ເອົາ​ຄຳ​ແນະນຳ​ຂອງ​ພະ​ເຢໂຫວາ​ທີ່​ມີ​ຢູ່​ໃນ​ຄຳພີ​ໄບເບິນ. ເພາະ​ເຫດ​ໃດ? ເພາະ​ວ່າ “ພະອົງ​ເປັນ​ຫ່ວງ​ພວກ​ເຮົາ.” (1 ເປໂຕ 5:6, 7, ທ.ປ.) ພະ​ເຢໂຫວາ​ຄິດ​ເຖິງ​ຜົນ​ປະໂຫຍດ​ຂອງ​ພວກ​ເຮົາ​ກ່ອນ ແລະ​ຄຳ​ແນະນຳ​ຂອງ​ພະອົງ​ໃຊ້​ໄດ້​ສະເໝີ!—ສຸພາສິດ 3:5, 6; ເອຊາອີ 48:17, 18