အုပ်ချုပ်ရေးအဖွဲ့ဝင်အသစ်များ
အုပ်ချုပ်ရေးအဖွဲ့ဝင်အသစ်များ
၁၉၉၉၊ အောက်တိုဘာ ၂ ရက်၊ စနေနေ့တွင်ကျင်းပသော ပဲင်စီလ်ဘေးနီးယား ကင်းမျှော်စင် သမ္မာကျမ်းစာနှင့် ဝေစာအသင်း၏ နှစ်ပတ်လည်အစည်းအဝေးကို မထင်မှတ်သောကြေညာချက်တစ်ခုဖြင့် နိဂုံးချုပ်ခဲ့သည်။ တက်ရောက်သူ သို့မဟုတ် တယ်လီဖုန်းဖြင့်ဆက်သွယ်ထားသူပေါင်း ၁၀,၅၉၄ ဦးတို့သည် ယေဟောဝါသက်သေများ၏ အုပ်ချုပ်ရေးအဖွဲ့တွင် အဖွဲ့ဝင်အသစ်လေးဦးကို ဖြည့်စွက်လိုက်ကြောင်း ကြားသိရ၍ ဝမ်းသာပီတိဖြာခဲ့ကြသည်။ ထိုအဖွဲ့ဝင်အသစ်များမှာ ဆယ်မြူအယ်လ် အက်ဖ်. ဟာ့ဒ်; အမ်. စတီဗင် လက်တ်; ဂိုင် အိပ်ခ်ျ. ပီယပ်စ်; နှင့်ဒေးဗစ် အိပ်ခ်ျ. စပလိန်တို့ဖြစ်ပြီး သူတို့အားလုံးသည် ဘိသိက်ခံခရစ်ယာန်များဖြစ်ကြ၏။
• ဆယ်မြူအယ်လ် ဟာ့ဒ်သည် ၁၉၅၈ ခုနှစ်တွင် ရှေ့ဆောင်စလုပ်ခဲ့ပြီး ၁၉၆၅ ခုနှစ်မှ ၁၉၉၇ ခုနှစ်အထိ တိုက်နယ်နှင့်ခရိုင်လုပ်ငန်းကို ဆောင်ရွက်ခဲ့သည်။ ထို့နောက် ညီအစ်ကိုဟာ့ဒ်နှင့် သူ့ဇနီးဂလိုရီယာတို့သည် အမေရိကန်ပြည်ထောင်စုဗေသလမိသားစုဝင်ဖြစ်ခဲ့ကြပြီး သူသည် လုပ်ငန်းတော်ဌာနတွင် အမှုထမ်းခဲ့သည်။ လုပ်ငန်းတော်ကော်မတီကို ပံ့ပိုးပေးသူအဖြစ်လည်း အမှုထမ်းဆောင်ခဲ့၏။
• စတီဗင် လက်တ်သည် ၁၉၆၆၊ ဒီဇင်ဘာလတွင် ရှေ့ဆောင်စလုပ်ခဲ့ပြီး ၁၉၆၇ မှ ၁၉၇၁ ခုနှစ်အထိ အမေရိကန်ပြည်ထောင်စုဗေသလတွင် အမှုဆောင်ခဲ့၏။ ၁၉၇၁၊ အောက်တိုဘာလတွင် သူ့ဇနီးစူဇန်နှင့်လက်ထပ်ခဲ့ပြီး အထူးရှေ့ဆောင်လုပ်ငန်းကို လုပ်ကိုင်ခဲ့သည်။ ၁၉၇၉ မှ ၁၉၉၈ ခုနှစ်အထိ တိုက်နယ်ကြီးကြပ်မှူးအဖြစ် အမှုဆောင်ခဲ့သည်။ ၁၉၉၈၊ ဧပြီလမှစ၍ သူနှင့်စူဇန်သည် အမေရိကန်ပြည်ထောင်စုဗေသလမိသားစုဝင်ဖြစ်လာခဲ့ကြသည်။ ထိုတွင် လုပ်ငန်းတော်ဌာန၌ အမှုထမ်းခဲ့ပြီး သွန်သင်ခြင်းကော်မတီကို ကူညီပေးသူတစ်ဦးဖြစ်ခဲ့သည်။
• ဂိုင် ပီယပ်စ်သည် မိသားစုကိုပြုစုပျိုးထောင်ပြီးနောက်တွင် ဇနီးနှင့်အတူ ၁၉၈၂၊ ဧပြီလတွင် ရှေ့ဆောင်စတင်လုပ်ခဲ့သည်။ သူသည် ၁၉၈၆ ခုနှစ်မှစ၍ သူနှင့်သူ့ဇနီးပဲန်နီသည် အမေရိကန်ပြည်ထောင်စုဗေသလမိသားစုဝင်မဖြစ်မီ ၁၉၉၇ ခုနှစ်အထိ တိုက်နယ်ကြီးကြပ်မှူးလုပ်ခဲ့၏။ ညီအစ်ကိုပီယပ်စ်သည် ဝန်ထမ်းရေးရာကော်မတီကို ကူညီပေးသူအဖြစ်လည်း အမှုဆောင်ခဲ့သည်။
• ဒေးဗစ် စပလိန်သည် ၁၉၆၃၊ စက်တင်ဘာတွင် ရှေ့ဆောင်စတင်လုပ်ခဲ့သည်။ သူသည် ၄၂ ကြိမ်မြောက် ဂိလဒ်ကျောင်းဆင်းဖြစ်ပြီး အာဖရိက၊ စီနီဂဲလ်တွင် ခရစ်ယာန်သာသနာပြုတစ်ဦးအဖြစ် အမှုဆောင်ပြီးနောက် ကနေဒါတွင် တိုက်နယ်လုပ်ငန်းကို ၁၉ နှစ်တိုင်လုပ်ကိုင်ခဲ့သည်။ ညီအစ်ကိုစပလိန်နှင့်သူ့ဇနီးလင်ဒါတို့သည် ၁၉၉၀ ပြည့်နှစ်ကတည်းက အမေရိကန်ပြည်ထောင်စုရှိ ဗေသလသို့ရောက်ခဲ့ပြီး သူသည် လုပ်ငန်းတော်ဌာနနှင့်စာပေပြုစုရေးဌာနတို့တွင် အမှုထမ်းခဲ့၏။ ၁၉၉၈ ခုနှစ်မှစ၍ စာပေပြုစုရေးကော်မတီကို ကူညီပေးခဲ့သူဖြစ်သည်။
ဤအဖွဲ့ဝင်အသစ်လေးဦးအပြင် ယခုအုပ်ချုပ်ရေးအဖွဲ့တွင် စီ. ဒဗလျူ. ဘာဘာ၊ ဂျေ. အီး. ဘားရ်၊ အမ်. ဂျီ. ဟင်ရှယ်လ်၊ ဂျီ. လော့ရှ်၊ တီ. ဂျဲရက်စ်၊ ကေ. အက်ဖ်. ကလိုင်န်း၊ အေ. ဒီ. ရှရိုးဒါ၊ အယ်လ်. အေ. စွင်ဂယ်လ်နှင့် ဒီ. ဆစ်ဒလစ်ခ်တို့ပါဝင်သည်။ ယခု တိုးချဲ့ထားသောအုပ်ချုပ်ရေးအဖွဲ့သည် ကမ္ဘာတစ်ဝန်းရှိ ဘုရားသခင့်လူမျိုးတော်၏လုပ်ငန်းများကို ဆက်ပြီးကြီးကြပ်၍ ဝိညာဉ်ရေးအကျိုးစီးပွားကို ဆက်ဆောင်ရွက်စဉ် ယေဟောဝါသည် ၎င်းကိုဆက်လက်ကောင်းချီးပေးပြီး ခွန်အားပေးပါရန် ကျွန်ုပ်တို့အားလုံးဆုတောင်းကြပါသည်။