BHAYIBELE YI TŠHENTŠHA MAPHELO

Ne nka sa yi felo ke sa tshwara sethunya saka

Go hlayisa Annunziato Lugarà

O BELEGIWWE KA: 1958

O TŠWA: ITALY

TSA LEPHELO: YE MONGWANA WA MOGOBA WA DIKGOHLANE

TSA NAKWELA KE SA GOLA: Ke belegiwwe Roma ga poleke ya batho ba go tihlupegela. Lephelo ne le thathafa. Mmane waka ne ke sa mo tšibi fote nna le papa ne re sa nape re krayana. Ke gudiye ke tiphandela.

Mo ke na le lesome la mengwaga ne ke šele ke yetswa. Ke thomisiye go tšhaba gaye ke na le 12 ya mengwaga. Papa o nlatiye maphodiseng gatlele, ba ntshwere. Ne ke dula ke raselana le batho ka taba la gore ne ke na le dintwa fote ne ke fo dula ke kwatela motho ye mongwana le ye mongwana. Nakwela ke na le 14 ya mengwaga ke yye ka tloga gaye ka sa sa boya. Ke yye ka dula mo dipateng fote ka kgokga didhraksi. Ka taba la gore ne ke sena ga go yetsela gona, ke mo ke pshaya ke kena dikoloying tsa batho ke yetsela gona go segela ka bošego. Ke mokane mo ke tloga mone, ne ke nyakana le mo go nang le meetši gore ke thogo hlapa.

Ke yye ka ba segele ka go yetswa, ne ke yamoga batho dikhwama tsa bona le go kena dintlong tsa bona bošego. Mo lebitso laka le kene le sinyega, ba bangwana ba yye ba re ke kenele mogoba wa bona wa bokgohlane, ke mokane sosone sa nthulela “lešuba” la gore ke yetswe dipankeng. Ka taba la gore ne ke tšibega ke na le tšhinghi, ba yye ba nhlompa ka matla ga mogoba wone. Ne nka sa yi felo ke sa tshwara sethunya saka fote ne ke se beya ka fase ga mosamelo mo ke yetsela. Bokgohlane, didhraksi, go yetswa, go rogelela le bonghwahla ne go dilo tsaka. Maphodisa ne ma dula ma nyakana le nna. Jele ne go le gaye, ne ke kena ke tšwa.

KA MOKGO BHAYIBELE YI TŠHENTŠHIYENG LEPHELO LAKA: Tšatši le lengwana mo ke tšwa jele ke yye ka vakašela mmangwane. Nna ne ke sa di tšibi gore mmangwana le bana bage ka babedi ke Dihlatse tsa Jehova. Ba mmeme gore ke ye nabo mogahlanong wa Dihlatse tsa Jehova. Ke yye ka ya nabo go fore ke ye ke bone gore go makega ying. Mo ke segela Holong ya Mmušo ke ba butsiye gore ke nyoko dula monyako gore ke thogo bona bo ba kenang le go tšwa. Sethunya saka ne ke se tshwere.

Lephelo laka le tšhentšhiye ka letšatši lo ke yyeng mogahlanong. Ne ke kwa batho ba gona ba fapanne kgole le batho ba bangwana. Mo ba ntamisa ne ba ngwalangwala. Ke sa fo gopola ka mokgo ne ba le ka gona. Ne ba fapanne kgole le batho bo ke ba tlwayeleng.

Ke yye ka thomisa go tšhuta Bhayibele le Dihlatse tsa Jehova. Mo nkene ke tšhuta di yye dya fo ba lekgwaying gore di nyaka ke tšhentšhe maphelelo yaka. Ke yye ka dula ke gopola mantsu ya Diyema 13:20 ya gore: “Ye a sepelang le ba go hlalefa le yene o nyoko hlalefa, ye a gobagobang le diphokophoko o nyoko rapogana go baba.” Ke yye ka di bona gore di nyaka ke fapane le mogoba wela wa dikgohlane. Ne go se lula gore ke fapane nabo mara Jehova o yye a n’gelepa.

Ke yye ka lahla mekgwa yaka ya botala. Ke mokane ka karakara ka matla gore ke lisetse go kgokga lefole le didhrakse. Ke yye ka kopa moriri waka wa go lefa, ka ntsha mareni fote ka lisetsa le go rogelela. Ne ke ro thoma go phela lephelo la gabutši.

Tsa go bala ne ke sa kwane natso, tsotsone di makiye gore ke thathafalele ke go bala Bhayibele. Mara mo nkene ke karakara go yi bala, ka gonyana ka gonyana ke yye ka kwa ke thomisa go kwana le Jehova, ke mokane ka fo kwa lekwalo laka le thomisa go nkokona. Ga go tlala ne ke titseyela fase ke re Jehova a ka sa tsoge a ntshwarele ka dilo tsa go befa tso ke di makiyeng. Ke yye ka kraya sa go nkgomoletsa mo nkene ke bala ke kwa gore Jehova o yye a tshwarela Kgoši Dafita nakwela a mo sinyele ka matla.—2 Samuwele 11:1–12:13.

Se sengwana so ne se nthathafalela ke go kena mutši ka mutši ke tšhomayela. (Matewu 28:19, 20) Ne ke tshosa ke gore ne nka fo gahlana le motho wa gore ke yye ka mo sinyela. Mara ka gonyana ka gonyana letšhogo lela le yye la fela. Ke yye ka kgotsofatsa ke go tšhutisa batho ka Papa wa rune wa ku magedimong wa gore wa tshwarelana.

KA MOKGO DI N’GELEPIYENG KA GONA: Go tšhuta ka Jehova go phonisiye lephelo laka! Banghana baka ba ku botala ba hlokofele ba bangwana ba jele, mara nna ke phela lephelo la go jabodisa fote ke na le tshepo ya go jabodisa ku mahlong. Ke tšhutiye go tinyanafatsa, go theetsela le go sa be le dintwa. Sosone se makiye gore ke jabolele senghana le batho bo ke phelang nabo. Gana byalo ke šadhiye le Carmen wa gore o bafele fote ke jabodiye. Re jabodisa ke go tšhutisa batho ka Bhayibele.

Bona ke lebala go le botsa, gana byalo ke bereka pankeng, hala ga gore ne ke yetswa mara gana byalo ke bereka go yi yedisa!

 [Monopo]

Ne ke ro thoma go phela lephelo la gabutši