Шаҟа хьӡы имоузеи Анцәа?
Абиблиа иану
Анцәа хатәы хьӡык ауп имоу. Ауриатә бызшәала уи абас ауп ишырыҩуа: יהוה. Аԥсышәала «Иегова» ҳәа ауп ишеиҭагоу a. Анцәа иԥааимбар Исаиа ила иҳәеит: «Сара Иегова соуп. Ари сара сыхьӡ ауп» (Исаиа 42:8). Ажәытәтәи абиблиатә напҩырақәа рҿы уи ахьӡ уԥылоит 7 000-нтә раҟара, Анцәа иахь иаҵанакуа иарбанзаалакь даҽа ажәак аасҭа. Уи адагьы, Абиблиаҿы даҽаӡәы ихатәы хьыӡ ус лассы-лассы иуԥылаӡом b.
Имоума Иегова даҽа хьыӡқәак?
Абиблиа инақәыршәаны Анцәа хьӡык ауп имоу. Иара убри аамҭазгьы уа иануп Иегова ихаҭара аазырԥшуа атитулқәа рацәаны. Абар титулқәак.
Атитул |
Аҩыра аҭыԥқәа |
Аҵакы |
|---|---|---|
Аллаҳ |
— |
Ажәа «Аллаҳ» аагоуп аџьам бызшәа аҟнытә. Уи хатәы хьыӡӡам, аха атитул ауп, иаанагоит «Анцәа». Убри аҟынтә аџьам, насгьы егьырҭ абызшәақәа рахь еиҭагоу Абиблиақәа рҿы ахархәара амоуп. |
Зегьзымчу |
Аҟазаара 17:1 |
Уззымиааиуа амч имоуп. Ауриатә бызшәала Ел Шадда́и, «Зегьзымчу Анцәа», Абиблиаҿы бжьынтә иуԥылоит. |
Альфеи Омегеи |
«Ираԥхьатәиу, насгьы Иҵыхәтәантәиу», ма «алагамҭеи анҵәамҭеи», даҽакала иуҳәозар Иегова иаԥхьа дыҟамызт Зегьзымчу Анцәа, ишьҭахьгьы дҟалом (Исаиа 43:10). «Альфа», насгьы «омега» абырзен алфавит аҟны раԥхьатәии аҵыхәтәантәии нбанқәоуп. |
|
Жәытәнатә аахыс иҟоу |
Даниил 7:9, 13, 22 |
Алагамҭа имамызт, дыҟан есымша, иаԥхьа аӡәгьы дыҟамызт, насгьы акгьы ҟамлацызт (Аԥсалом 90:2). |
Зегьзшаз |
Исаиа 40:28 |
Зегь ҟалеит иара ибзоурала. |
Аб |
Аԥсҭазаара аҭаҩ. |
|
Анцәа |
Аҟазаара 1:1 |
Изымҵахырхәо; амч ду змоу. Ауриатә ажәа Елохи́м арацәа хыԥхьаӡара аформа амоуп, уи иаанарԥшуеит Иегова зегь раасҭа дшыҳараку, аҭыԥ ду шимоу, насгьы ҟазшьала ицназго дшыҟам. |
Анцәақәа рынцәа |
Ҩынтәзакәан 10:17 |
Ауаа зымҵахырхәо ак иаԥсам анцәақәа, Зегьирхаку Анцәа дузрыдкылом (Исаиа 2:8). |
Амҩақәҵаҩ Ду |
Исаиа 30:20, 21 |
Хәарҭара злоу аҵареи анапхгареи ҳаиҭоит (Исаиа 48:17, 18). |
Ашаҩ Ду |
Аԥсалом 149:2 |
Зегь ҟалеит иара ибзоурала (Аатра 4:11). |
Насыԥ змоу Анцәа |
Иара агәырӷьареи анасыԥи имоуп (Аԥсалом 104:31). |
|
Аҳәарақәа ирзыӡырҩуа |
Аԥсалом 65:2 |
Гәрахаҵарала иара иахь ирхоу доусы иҳәара дазыӡырҩуеит. |
Сара иҟаҵәҟьоу соуп |
Ақәҵымҭа 3:14 |
Игәҭакқәа рынагӡаразы, иахәҭоу иакәны дҟалоит. Иара убас ари афраза еиҭаган: «Сара исҭаху сакәны сҟалоит». Уи Ақәҵымҭа 3:15 аҿы иану ахатәы хьыӡ Иегова аҵакы аилкаара иҳацхраауеит. |
Ахыбааҩ |
Ақәҵымҭа 34:14 |
Иара ида даҽаӡәы имҵахырхәара алиршаӡом. Ари ажәа иара убас еиҭагоуп «иацлабуа дичҳаӡом», насгьы «иара заҵәык иахь азиашара аарԥшра ҳадиҵоит» ҳәа. |
Наӡаӡатәи Аҳ |
Инапхгара алагамҭеи анҵәамҭеи амаӡам. |
|
Иҳақәиҭу |
Аԥсалом 135:5 |
Ампыҵакҩы ма аԥшәма; ауриатә бызшәала Адо́н, ма Адони́м. |
Иҳақәиҭу Саваоф |
Исаиа 1:9; Римаа рахь 9:29 |
Амаалықьцәа рыр ду напхгара азҭо. Атитул «Иҳақәиҭу Саваоф» иара убас ҵакыс иамоуп «Иегова ар реиҳабы», насгьы «Жәҩантәи ар Ирықәиҭу» (Римаа рахь 9:29). |
Иреиҳаӡоу |
Аԥсалом 47:2; Даниил 7:18, 27 |
Зегь иреиҳаӡоу аҭыԥ ааникылоит. |
Иԥшьаӡоу |
Ажәамаанақәа 9:10 |
Иара иаасҭа иԥшьоу дыҟам. |
Аҳаԥшьаҟаҵаҩ |
Исаиа 64:8 |
Ауааи ажәларқәеи рҿы амчра имоуп, анышәаԥшь аҳаԥшьаҟаҵаҩ инапаҿы еиԥш (Римаа рахь 9:20, 21). |
Аиқәырхаҩ, Аҿыхҩы |
Исаиа 41:14 |
Иисус Христос иԥсхҭынҵара абзоурала ауаа агәнаҳеи аԥсреи рҟынтә ахақәиҭра риҭоит (Иоанн 3:16). |
Ацаҟьа |
Аԥсалом 18:2, 46 |
Ишәарҭадароу аҽыҵәахырҭеи аиқәхареи ҳазҭо. |
Аиқәырхаҩ |
Исаиа 45:21 |
Ашәарҭара, ма аҭахара рҟынтә ҳихьчоит. |
Ахьча |
Аԥсалом 23:1 |
Имҵахырхәо дреиҷаҳауеит. |
Зегьирхаку Иҳақәиҭу |
Аҟазаара 15:2 |
Иреиҳаӡоу амчра имоуп; ауриатә бызшәала Адона́и. |
Иреиҳаӡоу |
Аԥсалом 47:2; Даниил 7:18, 27 |
Зегь иреиҳаӡоу, ихьыԥшым. |
Ауриатә Ҩырақәа рҿы агеографиатә ҭыԥқәа рыхьӡқәа
Абиблиаҿы Анцәа ихатәы хьӡы агеографиатә ҭыԥқәа рыхьӡқәа ирыдҳәаланы иануп, аха уи иаанагаӡом Анцәа даҽа хьыӡқәак имоуп ҳәа.
Агеографиатә ҭыԥ ахьӡ |
Аҩыра аҭыԥқәа |
Аҵакы |
|---|---|---|
Иегова-Ире |
Аҟазаара 22:13, 14 |
«Иегова исиҭоит». |
Иегова-Нисси |
Ақәҵымҭа 17:15 |
«Иегова — сара сгәысҽанызҵо сышьаҟа», ма «сара сдырга». Иегова — ажәларқәа зегьы ацхыраареи ахыхьчареи рзы захь инеиуа Нцәоуп (Ақәҵымҭа 17:13—16). |
Иегова-Шалом |
Аӡбаҩцәа 6:23, 24 |
«Иегова — аҭынчра». |
Иегова-Шамма |
Иезекииль 48:35 |
«Иегова уа дыҟоуп». |
Анцәа ихьыӡ адырреи ахархәареи заҭаху
Ҳәарада, Иегова изы ихатәы хьӡы даара ихадоуп, избанзар Абиблиаҿы ихьыӡ зқьынтә иуԥылоит (Малахиа 1:11).
Анцәа ихьыӡ шаҟа ихадоу Анцәа Иԥа Иисус Христос иазгәеиҭон. Иаҳҳәап, иара Иегова диҳәон: «Хьӡи-ԥшеи амазааит Уара ухьӡ» (Матфеи 6:9; Иоанн 17:6).
Анцәа ихьыӡ адырреи ахархәареи — ари Анцәеи ҳареи ҳаиҩызара аизырҳаразы раԥхьатәи шьаҿоуп (Аԥсалом 9:10; Малахиа 3:16). Иегова иҩызцәоу рҿы инаӡоит иара иқәыргәыӷра: «Сара бзиа сахьибаз аҟнытә деиқәсырхоит; ацәгьа дацәысыхьчоит сара Сыхьӡ ахьидырыз азы» (Аԥсалом 91:14).
Абиблиа ишьақәнарӷәӷәоит «„анцәақәа“ ҳәа изышьҭоу — ажәҩан аҿы аума, адгьыл аҿы аума, макьаназы иҟазаргьы,— адунеи, ииашаҵәҟьаны, еиуеиԥшым „анцәақәеи“ „аҳра зуеи“ рацәаҩны иахуп» ҳәа (1 Коринфаа рахь 8:5, 6). Аха уантәи еилыкка иаҳбоит иҵабыргу Анцәа Иегова зыхьӡу иара заҵәык шиакәу (Аԥсалом 83:18).
a Аӡәырҩы аиудеиатә ҵарауаа Анцәа ихьӡ «Иахве» ауп рҳәоит.
b Анцәа ихьӡ икьаҿу аформа Иаг, Абиблиаҿы 50-нтә раҟара иаҳԥылоит, иара убас ажәа «Аллилуииа» аҿы, уи иаанагоит «Иаг дшәырҽхәала» (Аатра 19:1, Асинодалтә еиҭага; Адунеи ҿыц аиҭага).
Иара убас ишәгәаԥхар ауеит
ИХАДОУ АБИБЛИАТӘ ҴАРАҚӘА
Имоума Анцәа ахьӡ?
Анцәа атитулқәа рацәаны имоуп: Зегьзымчу, Ҳазшаз, Иҳақәиҭу. Аха иара ахьӡ имоуп, уи Абиблиаҿы 7 000-нтә инареиҳаны иуԥылоит.
ҲАРА ИҲАЗКНЫ
Ишәҭаарц аҳәара ҟашәҵа
Шәгәы иҵхо библиатә зҵаарак еилшәырга, ма Иегова ишаҳаҭцәа ирызкны еиҳаны еилышәкаа