PWONY ME 02
Baibul Miniwa Gen
Dano ma i but lobo ducu gitye ka lweny ki pekki mapol ma keligi par ki arem. Tika dong gin mo otimme i komi ma oweko iwinyo kit meno? Gwok itye ki two mo nyo danoni me amara oto. Man twero weko ipennye kekeni ni, ‘Tika kwo biyubbe?’ Baibul miyo lagam ma kweyo cwinywa adada pi lapeny meno.
1. Baibul miniwa gen nining?
Baibul tittiwa tyen lok ma oweko lobo opong ki pekki mapol. Miniwa bene kwena maber ni pekki magi pe bibedo pi naka ento cokcok-ki gibigik woko. Cikke me Baibul weko wabedo ki ‘gen pi anyim maber.’ (Kwan Jeremia 29:11, 12.) Cikke magi konyowa me ciro pekki ma wakemme kwede, me bedo ki yomcwiny kadi wa i kare-ni, ki dok me nongo yomcwiny marii pi naka i anyim.
2. Gin ango ma Baibul tito ni bitimme i anyim?
Baibul tito ni i anyim, ‘to bibedo pe, kadi kumo nyo koko, nyo arem.’ (Kwan Niyabo 21:4.) Pekki ma weko dano deno can dok gibedo pe ki gen mo keken i kare-ni—calo can lim, ngolo kop alenga ki to—dong bibedo pe matwal. Baibul ocikke ni dano gibikwo ki yomcwiny dok pi naka i Paradic i lobo kany.
3. Itwero bedo labongo akalakala mo nining ni cikke me Baibul wang ma ocobbe?
Jo mapol gigeno ni jami mabeco twero timme, ento pe gitwero moko ka ada jami ma gigeno bicobbe. Cikke me Baibul dok pat pien wang ma ocobbe. Watwero jingo genwa i kom cikke magi ka ‘wangiyo Ginacoya ki diro.’ (Tic pa Lukwena 17:11) Ka ikwano Baibul, ci ibimoko piri keni ka ce itwero ye gin ma Baibul waco ni bitimme i anyim.
NONG NGEC MATUT
Nen kong jami mogo ma Baibul waco ni bitimme i anyim. Dok inen kit ma gen ma Baibul miyo tye ka konyo dano i kare-ni.
4. Baibul miniwa gen me kwo pi naka labongo gin mo keken marac
Nen kong cikke me Baibul ma kiryeyogi piny kany. Mene ma yomo cwinyi loyo, dok pingo?
Kwan ginacoya ma kiketogi i nget cikke magi, ci igam lapeny magi:
-
Tika itamo ni cikke magi twero mini gen? Tika gitwero miyo gen bot jo gangwu ki luremi?
Go kong ni itye ka kwo i lobo ma
|
JAMI MAGI PE IYE . . . |
JO DUCU . . . |
|---|---|
|
|
|
|
|
|
|
|
|
|
5. Gen me Baibul twero konyowa
Jo mapol cwinygi otur nyo bene gitye ki keccwiny pi jami maraco ma tye ka timme. Jo mogo gitute matek me kelo alokaloka. Nen kong kit ma cikke me Baibul pi anyim maber tye ka konyo kwede dano i kare-ni. Tuk VIDIO, ci wunyam lapeny ma lubo.
-
Kit ma kinyuto kwede i vidio, tim maraco ango ma obedo ka cwero cwiny Rafika?
-
Baibul okonye nining kadi bed tim maraco ma en onongo neno-ni pe ogik?
Gen ma Baibul miniwa pi anyim twero konyowa me lweny ki turcwiny ki dok me ciro pekki ma wawok ki iye i kare-ni. Kwan Carolok 17:22 ki Jo Roma 12:12, ci wunyam lapeny magi:
-
Itamo ni gen pi anyim ma kitito pire i Baibul twero kelo alokaloka i kwoni i kare-ni? Pingo itamo kit meno?
JO MOGO GIWACO NI: “Cikke me Baibul pi anyim dok ber tutwal ma nen calo pe twero cobbe.”
-
Pingo itamo ni pire tek me mokone in kikome ka twere?
WOT WIYE WIYE
Baibul tittiwa ni wabibedo ki yomcwiny i anyim. Cikke meno miniwa gen dok konyowa me ciro pekki ma wawok ki iye i kare-ni.
Ngo ma ipwonyo?
-
Pingo mitte ni dano gunge cikke me Baibul?
-
Gin ango ma Baibul waco ni bitimme i anyim?
-
Bedo ki gen pi anyim twero konyi nining i kare-ni?
TIM KWED
Nong ngec mapol i kom kit ma gen konyi kwede.
Nen kit ma gen pi anyim konyo jo ma gitye ki two ma pe cang.
“Tika Baibul Twero Konya ka Atye ki Two ma Pe Cang?” (Pwony ma tye i jw.org)
Ka itye ka neno vidio me wer man, bed ka goyo ni in ki jo me gangwu wutye ki yomcwiny i lobo Paradic ma kiciko pire i Baibul-li.
Kwan kit ma kwo pa laco mo olokke kwede i kare ma oniang gen ma Baibul miyo pi anyim.
“Pe Dong Awinyo Calo Myero Atute me Loko Lobo” (Wi Lubele, Julai 1, 2013)
