La 43:1-5
43 Oo Mawu, moo kojo mi,Moo fã ye he ngɛ sane nɛ ma nɛ yi anɔkuale ɔ kɛ mi ngɛ yee ɔ mi.
Mo kpɔ̃ mi ngɛ lakpatsɛ kɛ nɔ nɛ pee we nɔ́ nɛ da a dɛ mi.
2 Ejakaa mo ji ye Mawu, ye gbogbo nɛ he wa.
Mɛni he je nɛ o sake mi kɛ fɔ he ɔ?
Mɛni he je nɛ e sa kaa ma nyɛɛ kɛ ya kɛ ba mɔbɔmɔbɔ ngɛ yi mi nɛ ye he nyɛlɔ ɔ waa mi ɔ he je?
3 Ha nɛ o la a kɛ o we anɔkuale ɔ nɛ ba.
Ha nɛ a ba nyɛɛ ye hɛ mi;Ha nɛ a kudɔ mi kɛ ya o yoku klɔuklɔu ɔ nɔ, kɛ o bo tsu ngua a he.
4 Kɛkɛ ɔ, ma ba Mawu afɔle sami latɛ ɔ he,Ma ba Mawu, nɔ nɛ haa mi bua jɔmi babauu ɔ ngɔ.
Oo ye Mawu, ma fia saku kɛ je o yi.
5 Mɛni he je nɛ i* pee vii ɔ?
Mɛni he je nɛ i ngɛ haoe ngɛ ye mi kikɛ nɛ ɔ?
Ma mlɛ Mawu,Nɛ ma ya nɔ nɛ ma je e yi kaa ye Yi Wami Helɔ Ngua kɛ ye Mawu.
Sisi Ningmahi
^ Aloo “ye klaa.”
