La 91:1-16
91 Nɔ fɛɛ nɔ nɛ ngɛ Nɔ Nɛ E Nɔ Kuɔ Pe Kulaa a laami he ɔMaa hi Ope ɔ hɔ̃ ɔ mi.
2 Ma de Yehowa ke: “Mo ji ye wesa he kɛ ye he piɛ pomi he,Ye Mawu nɛ́ i ngɔ ye hɛ kɛ fɔ e nɔ.”
3 E ma je mo kɛ je lohwe pɛlitsɛ nulɔ klama a mi,Kɛ je hiɔ nɛ sãã nɔ nɛ kpataa nɔ hɛ mi ɔ mi.
4 E kɛ e tsɛli ɔmɛ maa ha o nɔ,*Nɛ o maa sa we ngɛ e pɛli ɔmɛ a sisi.
E we anɔkuale yemi ɔ maa pee tsɛ̃i ngua kɛ he piɛ pomi gbogbo.
5 O be níhi nɛ woɔ nɔ he gbeye nyɔ mi ɔ,Aloo kɛ̃ɛ̃ mi bihi nɛ beɔ ngɛ kɔɔhiɔ mi piani ɔ gbeye yee,
6 O be gbenɔ hiɔ nɛ laa ngɛ diblii mi ɔ,Aloo hɛ mi kpatami nɛ baa piani katakata a gbeye yee.
7 Nimli akpe maa nɔ ngɛ o kasa nya,Nɛ nimli akpe nyɔngma maa nɔ ngɛ o hiɔ nɔ,Se moo lɛɛ, ní yayami nɛ ɔmɛ be o he sae.
8 O hɛngmɛ kɛkɛ lɛ o kɛ maa hyɛNɛ o maa na yiwutsotsɛmɛ a tue gblami ɔ.
9 Akɛnɛ o de ke: “Yehowa ji ye wesa he” he je ɔ,
O kɛ Nɔ Nɛ E Nɔ Kuɔ Pe Kulaa a pee o hi he;*
10 Amanehlu ko be o nɔ bae,Nɛ haomi ko hu be o bo tsu ɔ he sue.
11 Ejakaa o he ɔ, e ma fã e bɔfo ɔmɛ,Konɛ a bu o he ngɛ o blɔ ɔmɛ tsuo a nɔ.
12 A maa hɛɛ mo ngɛ a dɛ mi,Konɛ o nane nɛ ko si tɛ ko.
13 O maa naa jata kɛ blika* nɔ;O kɛ o nane maa naa jata kɛ e kuɛ he bwɔmi kɛ sinɔ ngua nɔ.
14 Mawu de ke: “Akɛnɛ e suɔ ye sane* he je ɔ, ma kpɔ̃ lɛ.
Akɛnɛ e le ye biɛ ɔ he je ɔ, ma po e he piɛ.
15 E ma tsɛ mi, nɛ ma he lɛ nɔ.
Ma piɛɛ e he ngɛ haomi mi.
Ma kpɔ̃ lɛ nɛ ma wo e hɛ mi nyami.
16 Ma ha nɛ e wami se maa kɛ,Nɛ ma ha nɛ́ e na yi wami hemi níhi nɛ i pee ɔ.”*
Sisi Ningmahi
^ Aloo “maa tsi blɔ konɛ nɔ ko nɛ ko su o he.”
^ Baiblo komɛ de ke “pee o gbogbo nɛ he wa; pee o wesa he.”
^ Aloo “nangmɔflɛ.”
^ Ngɛ Hebri gbi mi ɔ, “Akɛnɛ e kɛ e he mɛtɛ ye he.”
^ Aloo “e na yi wami hemi nɛ je ye ngɔ ɔ.”
