Gblaa:

• La Fiami He Okadihi

1. 1. E piɛ bɔɔ je ehe maa ba.

   Lohwe pɛlitsɛmɛ tsuo

   Ma la la ngɔngɔɛhi ha wɔ.

   Zugba nɔ he fɛɛ he maa pee fɛu.

   O suɔli tsuo maa te si,

   O kɛ buajɔ maa kpee mɛ.

   Niinɛ, e piɛ bɔɔ kɛkɛ

   Nɛ Paradeiso maa ba.

2. 2. A ma wehi ngɛ dɔgba mi,

   Ekomɛ ngɛ yoku nɔ.

   Hyɛ nyu dɔhi nɛ a mi tsɔ;

   Nɔ ko nɔ ko yi nyu he kɔmɔ.

   Ngmɔhi ba ní saminya;

   Niye ní ngɛ he fɛɛ he.

   E piɛ bɔɔ pɛ kɛkɛ nɛ

   Je ko kaa kikɛ maa ba.

   (NƆ HEMI ENYƆNE)

   Ha o huɛmɛ nɛ a le kaa

   Wa ngɛ je ehe ko blɔ hyɛe.

   Kɔmɔ yemi tsuo se maa po.

   Je he maa ba; buajɔ maa ba!

3. 3. Nɔ fɛɛ nɔ ko bua jɔ e he.

   Zugba nɔ ngɛ fɛu wawɛɛ.

   Be fɛɛ be ko nɛ je maa na,

   Wa nuɔ he kaa wa ngɛ he wami.

   Nɛ wa naa Yehowa si daa

   Ngɛ e suɔmi ngua he je.

   Niinɛ, e piɛ bɔɔ kɛkɛ

   Nɛ jɔɔmi n’ɔ maa ba mi.

   (NƆ HEMI ENYƆNE)

   Ye bua maa jɔ nɛ ma de ke,

   “Kpaako bua jɔmi nitsɛ ba!”

   Be ko nɛ be’ɔ, i susuu we

   Kaa wa tuem’ maa jɔ wɔ kikɛ.

4. 4. E piɛ bɔɔ pɛ kɛkɛ

   Nɛ Paradeiso maa ba.

   Yehowa lɛ wo e he si.

   Wa he ye wawɛɛ kaa e maa ba.

   Ke i susu jɔɔmi n’ɔ he’ɔ,

   I náa he wami wawɛɛ.

   Ma to ye tsui si kɛ mlɛ,

   E piɛ bɔɔ pɛ nɛ e maa ba.