O Ma Nyɛ Ma Ná Jɔɔmihi Kɛ Ya Neneene Kɛ Je Mawu Nɛ Ngɛ Suɔmi ɔ Ngɔ
Anɛ o suɔ nɛ o hi je ko nɛ ta, basabasa peemi kɛ pɛ be mi ɔ mi lo?
Anɛ o ná nɛ hiɔ, nɔ́ nami kɛ gbenɔ be hu lo?
Anɛ o ná nɛ o haomi ɔmɛ a se po lo?
Anɛ o suɔ nɛ o hi he ko nɛ adebɔ mi oslaahi bɛ ngɛ lo?
Wa Mawu nɛ ngɛ suɔmi, nɛ́ lɛ ji wa zugba nɛ ngɛ fɛu ɔ Bɔlɔ ɔ wo si kaa e ma ha adesahi si himi nɛ tue mi jɔmi kɛ bua jɔmi ngɛ mi kɛ ya neneene. Si womi nɛ ɔ maa ba mi kokooko.
Ngɛ munyuhi nɛ nyɛɛ se ɔ mi ɔ, o maa na:
Bɔ nɛ wa Bɔlɔ ɔ suɔ wɔ ha
Nɔ́ nɛ Mawu Munyu ɔ haa nɛ wa leɔ
Nɔ́ nɛ Mawu gbali ɔmɛ de ngɛ ní kpakpahi nɛ Mawu wo si kaa e maa pee ha wɔ ɔ he
Nɔ́ nɛ wa maa pee konɛ wa ná bua jɔmi amlɔ nɛ ɔ, kɛ jɔɔmihi kɛ ya neneene hwɔɔ se
Wa ma susu níhi nɛ Mawu pee ha wɔ nɛ tsɔɔ kaa e suɔ wɔ ɔ he kekle.
