FÃ 7
Mɛnɔ Ji Yesu?
Yehowa tsɔ Yesu kɛ ba zugba a nɔ. 1 Yohane 4:9
Ke wa suɔ nɛ waa sa Yehowa hɛ mi ɔ, e sa nɛ waa bu nɔ kpa ko nɛ lɛ hu e he hia a tue. Yehowa bɔ bɔfo ko nɛ́ e ngɛ he wami ngɛ hiɔwe momoomo loko e bɔ Adam.
Pee se ɔ, Yehowa ha nɛ yomiyo ko nɛ a tsɛɛ lɛ ke Maria fɔ bɔfo nɛ ɔ ngɛ Betlehem. A wo jokuɛ ɔ biɛ ke Yesu.—Yohane 6:38.
Benɛ Yesu ngɛ zugba a nɔ kaa nɔmlɔ adesa a, e pee e níhi pɛpɛɛpɛ kaa bɔ nɛ Mawu peeɔ e ní ɔ. E mi mi jɔ, e ngɛ suɔmi, nɛ nihi nyɛ nɛ a su e he. E tsɔɔ nihi anɔkuale nɛ kɔɔ Yehowa he ɔ nɛ e yi gbeye.
Yesu pee ní kpakpahi se nihi sume e sane. 1 Petro 2:21-24
Jami nya dali ɔmɛ sume Yesu sane, ejakaa e ha nɛ nihi le kaa jami nya dali ɔmɛ a tsɔɔmihi kɛ a ní peepeehi dɛ.
Yesu tsa hiɔtsɛmɛ nɛ e tle ni gbogboehi hu si.
Jami nya dali ɔmɛ ha nɛ Roma bi ɔmɛ kongo Yesu nɛ a gbe lɛ.
