“Jaje Sane Kpakpa a!”
2024 Yehowa Odasefohi A Kpokpa Nɔ Kpe
O Ma Nyɛ Maa Ba Eko Faa • A He We Sika
Ní Komɛ Nɛ Maa Ya Nɔ
Soha: Moo hyɛ odasehi nɛ ngɛ Sane Kpakpa womi ɔmɛ a mi nɛ tsɔɔ kaa níhi nɛ ya nɔ ngɛ Yesu si himi mi nɛ a ngma a ji anɔkuale. Moo hyɛ bɔ nɛ ní nɛ ɔmɛ nɛ a bɔ a he amaniɛ ngɛ Baiblo ɔ mi ɔ maa ye bua wɔ ha mwɔnɛ ɔ.
Hɔ: Mɛni a gba kɛ kɔ Yesu fɔmi kɛ e jokuɛwi a si he, nɛ gbami nɛ ɔmɛ ba mi niinɛ lo?
Hɔgba: E ngɛ mi kaa níhi ngɛ nɔ yae ngɛ puɛe ngɛ je ɔ mi mohu lɛɛ, se Baiblo mi munyu nɛ a maa tu nɛ e yi ji “Nɔ́ He Je Nɛ Wa Yi Gbeye Ke Wa Nu Amaniɛ Bɔmi Yayahi A He” ɔ, maa ye bua wɔ konɛ waa na nɔ́ he je nɛ wa ma nyɛ maa nu he kaa wa ngɛ slɔkee nɛ́ wa ná nɔ mi mami ngɛ níhi nɛ maa ba hwɔɔ se ɔ mi.
Drama
Yesu Sɔmɔmi Ní Tsumi ɔ He Sane: Fã 1
La Nitsɛnitsɛ Kɛ Ha Je ɔ
Nyakpɛ blɔ nɔ nɛ a gu kɛ fɔ Yesu ɔ ji nɔ́ kekle nɛ ya nɔ ngɛ e si himi mi benɛ e ji jokuɛyo ɔ. E fɔli ɔmɛ ngɔ lɛ kɛ ho Ejipt ya konɛ matsɛ nɛ ngɛ hlae nɛ e gbe lɛ ɔ nine ko su e nɔ. Pee se ɔ, e pee nɔ́ ko nɛ ha nɛ tsɔɔli kpanakpanaahi nɛ a ngɛ e be ɔ mi ɔ a he mi po. Hyɛ drama nɛ a gba mi enyɔ nɛ a ma je e fã kake Soha kɛ e fã enyɔne ɔ Hɔ ɔ, kɛ ekpahi nɛ piɛɛ he ɔ.
Moo hyɛ videohi nɛ nyɛɛ se nɛ ɔmɛ nɛ a pee kɛ ha jeha nɛ ɔ kpokpa nɔ kpe ɔ
Mɛni Lɛ Yaa Nɔ Ngɛ Wa Kpokpa Nɔ Kpe Ɔmɛ A Sisi?
Moo hyɛ níhi nɛ o maa na ke o ya Yehowa Odasefohi a kpokpa nɔ kpe ko.
2024 Yehowa Odasefohi A Kpokpa Nɔ Kpe: “Jaje Sane Kpakpa a!”
Níhi nɛ wa maa hyɛ blɔ ke wa ya jeha nɛ ɔ kpokpa nɔ kpe ɔ
Drama Nɛ A Ma Je ɔ Fã Komɛ: Yesu Sɔmɔmi Ní Tsumi ɔ He Sane
Nihi babauu le nyakpɛ blɔ nɔ nɛ a gu kɛ fɔ Yesu. Se mɛni níhi nɛ ya nɔ loko a fɔ lɛ kɛ ngɛ e fɔmi se?