53 УРОК
Слердиҥ сооттоп амыраганаар Кудайды сӱӱндирзин
Иегова — «ырысту Кудай» (1 Тимофейге 1:11). Ол бисти јӱрӱмле јакшызынып, ырысту болзын деп кӱӱнзейт. Оныҥ учун бис амыраарга ӧй табып турзаас, бу ого јарап јат. Бу уроктоҥ бис канайып јакшы сооттоп амыраарын билип аларыс, је бу ок ӧйдӧ Иегованы ачындырбаска албаданарыс.
1. Сооттоп амыраар тушта нени ундыбас керек?
Слер канайып амыраарга сӱӱп јадаар? Кезик улуска айылында амыр отурып, бичик кычырарга, кӱӱ угарга, кино кӧрӧргӧ ол эмезе интернеттеҥ та нени де бедиреерге јарап јат. А та кемге де најыларыла кожо амыраарга јарап јат: походко барарга, сууга эжинерге ле кандый бир ойындар ойноорго. Је бис канайып та сооттоп амырап турган да болзоос, амыраганы́с Кудайга јарап турар керек деп ундыбас керек (Эфестегилерге 5:10). Нениҥ учун дезе бӱгӱнги кӱнде кезик сооттоп амыраарыныҥ бӱдӱмдеринде Иегованыҥ кӧрӧр кӱӱни јок керектери бар. Темдектезе: базыныш, балыр јӱрӱм ле спиритизм. (Сарын 11:5 кычырыгар.) Айдарда, Кудайды ачындырбаска канайып амыраар керек деп билип алактар.
Бис Иегованы сӱӱп турган улусла најылашсаас, олор биске ле бистиҥ сооттоп амыраганыска тузазын јетирер. Ӧткӧн уроктордыҥ бирӱзинеҥ бис, «ойгор улусла јӱргендер, ойгор болор» деп билип алганыс (Укаа сӧстӧр 13:20). Је бис Кудайдыҥ кӧрӱмин керекке албай турган улусла најылажып, олорло кожо кӧп амырап турзаас, олор биске каршузын јетирер.
2. Амыраарына канча кире ӧй берип турганысты нениҥ учун кӧрӱп турар керек?
Сооттоп амыраарында јаман неме јок то болзо, ого канча кире ӧй барып турганын јазап сананар керек. Оноҥ ӧскӧ јаан учурлу керектерге ӧйис јетпей калардаҥ айабас. Оныҥ учун Агару Бичик бисти «ӧйди ойгор тузаланыгар» деп кӱӱнзедет. (Эфестегилерге 5:15, 16 кычырыгар.)
ТЕРЕҤЖИДЕ КӦРӰГЕР
Сооттоп амыраарга турзаар, нени ајаруга алар керек деп билип алыгар.
3. Кудайды ачындыргадый амыраштаҥ тууралагар
Канайып амыраарын нениҥ учун јазап сананып талдаар керек? ВИДЕОНЫ кӧрӱп, сурактарды шӱӱжип ийигер:
-
Јебрен ӧйдӧги гладиаторлордыҥ јуу-согужы ла эмдиги ӧйдиҥ соот-ойындары незиле тӱҥей?
-
Дэнни соот-ойындар јанынаҥ нени оҥдоп ийген?
Римдегилерге 12:9 кычырып, суракты шӱӱжип ийигер:
-
Бу ӱлгердеги принцип слерге Кудайды сӱӱндиретен амырашты талдаарга канайып болужар?
Иегова нени кӧрӧр кӱӱни јок? Укаа сӧстӧр 6:16, 17 ле Галаттарга 5:19—21 кычырыгар. Кажы ла ӱзӱкти кычырып ийеле, суракты шӱӱжип ийигер:
-
Бу ӱлгерлерде тоололгон керектердиҥ кажызы эмдиги ӧйдиҥ сооттоп амыраарына кирип јат?
Канайып амыразаас, Кудайды сӱӱндирерис?
Бойоордоҥ сурагар:
-
Не кирет? Анда Иегованыҥ кӧрӧр кӱӱни јок јаман неме бар ба?
-
Качан? Јаан учурлу керектерге ӧй артар ба?
-
Кемле? Иегованы сӱӱбей турган улусла јаантайын јуук куучындажарга келижип калбас па?
Јеткерлӱ айалганаҥ канча ла кире ыраак тудунганы јакшы болот. Оныҥ учун сооттоп амыраарыныҥ кандый бир бӱдӱми биске каршузын јетирер деп билип турган болзоос, ӧскӧзин талдаар керек
4. Ӧйди калас ӧткӱрбегер
ВИДЕОНЫ кӧрӱп, суракты шӱӱжип ийигер:
-
Карындаш јаман неме кӧрбӧй дӧ турган болзо, оныҥ јастыразы неде болгон?
Филиппыдагыларга 1:10 кычырып, суракты шӱӱжип ийигер:
-
Бу ӱлгердеги принцип амыраарына канча кире ӧй беретен деп шӱӱп аларга канайып болужар?
5. Кудайды сӱӱндиретен амырашты талдагар
Сооттоп амыраарыныҥ кезик бӱдӱмдери Иеговага јарабай да турган болзо, је амырап алатан ӧскӧ дӧ кӧп јакшы аргалар бар. Экклезиаст 8:15 ле Филиппыдагыларга 4:8 кычырып, суракты шӱӱжип ийигер:
-
Христиандарга јарагадый сооттоп амыраарыныҥ кандый бӱдӱмдери слерге јарап јат?
Ӧйди тузалу ла јакшы ӧткӱретен кӧп аргалар бар
КЕЗИК УЛУС АЙДАТ: «Нени кӧрӧтӧнин эмезе нени ойнойтонын не талдаар? Јӱрӱмде мен андый неме этпей јадым не».
-
Слер нени айдар эдеер?
ТӦС ШӰӰЛТЕЗИ
Иегова бисти бойыска каршу јетирбегедий јакшы ла тузалу амыраш талдазын деп кӱӱнзеп јат.
Нени билип алдыгар?
-
Христиандарга канайып сооттоп амыраарга јарабас?
-
Сооттоп амыраарына канча кире ӧй берип турганысты нениҥ учун кӧрӱп турар керек?
-
Бис нениҥ учун Иеговага јараар сооттоп амыраарыныҥ бӱдӱмдерин талдап турганыс?
ШИҤДЕЙТЕН МАТЕРИАЛ
Канайып сооттоп амыраарында кем каруулу болот?
Слерге амыраш јанынаҥ јакшы јӧптӧр чыгарарга не болужар?
«Сениҥ амыражыҥда туза бар ба?» («Каруулчы шибее», 2011 јыл, ӱлӱрген ай 15)
«Мен ак улусты јаман кӧрбӧй баргам» деген биографияны кычырыгар. Бир эр кижи сооттоп амыраарына кӧрӱмин нениҥ учун солыганы керегинде билип алыгар.
«Агару Бичик улустыҥ јӱрӱмин солыйт» («Каруулчы шибее», 2010 јыл, кочкор ай 1)
Бир ӱй кижи кӧрӱп турган кинозы кӧрмӧстӧрлӧ колбулу деп билип ийеле, нени эткенин кӧрӱгер.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
