Иисус Христос јерде болордо, улусты тыҥ сӱӱп турганын кӧргӱскен. Је ого анчада ла јокту ла шыралап калган улус карам болгон (Матфей 9:36). Ол керек дезе улус учун јӱрӱмин берген (Матфей 20:28; Иоанн 15:13). Иисус эм тура Кудайдыҥ теҥеридеги Каандыгыныҥ Кааны болот. Ол удабас улуска сӱӱжин ойто катап кӧргӱзер: јерле Каан болуп башкарып баштаза, бир де јокту кижи болбос.

 Иисустыҥ нени эдери Агару Бичикте мындый јараш сӧстӧрлӧ бичилген:

•   «Тегин улусты ол корулазын, јоктуныҥ уулдарын аргадазын» (Сарын 72:4).

 Иисус бис учун сӱреен кӧп неме эткен, келер де ӧйдӧ эдер. Бис ого быйанысты канайып кӧргӱзер аргалу? Лука 22:19-та айдылганыла, Иисус ӱренчиктерине оныҥ ӧлӱминиҥ јылдыгын ӧткӱрип турзын деп јакарган. Оныҥ учун Иегованыҥ Керечилери Иисус Христостыҥ ӧлӱмин эске алынар Эҥирге кажы ла јыл јуулыжат. 2024 јылда бу Эҥир тулаан айдыҥ 24-чи кӱнинде ӧдӧр. Бис слерди бу јаан учурлу туштажуга база кычырып јадыс.

Кайраканныҥ Эҥири кайда болор