Inu Jisọs Orọbe

Keke Ke Eji Ekween̄ Inan̄a Me Lek Jisọs?

2. Ire eji ekijeen̄ mkpọ me oniin̄ ofefet, ebi ene mekeek inu eji ekijeen̄ ema, eji si mere ejit kiban̄.

 Gọọk Akpat Ukot Jisọs

3. Katumu usem iwa. Kpan̄asi ikekitumu otutuuk inu geelek oriọọn̄be ofolek ibot usem ge, to chieen̄ me lek inu echi okup me emen ikpa enyi ekikween̄. Osido idodo, sa me ime kikup kpọ inyi ogwu okigọọk ikween̄ mkpọ ya inyi ufọọk-otu. Ire ikariọọn̄ ufọọk-otu isa inyi idodo ya mè iyaka ire itumu mkpọ eyi ikatat me lek inu Baibul okijeen̄, sa ofifi idodo sa tap ubọk nyi ọmọ ikeek mkpọ ofolek inu ya. Mgbọ geelek ogwu okigọọk ikween̄ mkpọ ya isigobo itet okpan okpan mkpọ okup me ere enyi ekikween̄ ya, je fo lek eyi ogọgọọk.

4. Sa inu ogwu okigọọk ikween̄ mkpọ ya oriọọn̄be sa tap ubọk nyi ọmọ inyi igobo inu echi ayaya itet. Kubọk inu njeen̄, sabum onobene inu nkween̄ ofolek ijojomo me mkpa, omokọt isa me mgbidim iyaka ikpa inu iwuukbe lek ikween̄ ofolek irek ebi ikwakwaan̄.

5. Sa inu ntọt-me-lek rọ mkpọ jaan̄. Sabum onosa inu ntọt-me-lek ge orọ mkpọ, dasi do lek kwun̄ ibe:

1.    ‘Ire inu ntọt-me-lek yi ifet?’

2.   ‘Ire ogwu nkigọọk ikween̄ mkpọ mokọt igwat lek igobo itet?’

3.   ‘Ire motap ubọk inyi ogwu nkigọọk ikween̄ mkpọ ibe ikeek okpan okpan mkpọ eji ekikween̄—ikare gaalek inu ntọt-me-lek ya ni?’