KIMELÜN 5
Noe ñi antü mu küpachi Pütra Mangiñ Ko, ¿iñi engün allkütubi Chaw Ngünechen?
Noe ñi antü mu tati pu che mülekebülu, re weyake dungu bemkebüy engün Génesis 6:5
Adan ka Eva nielu engu pu püñen, upalechi tripantu mu mülepoy bentren che Mapu mu. Beymu, kakelu pu werken püllü Satana reke bemingün, wentruwingün Chaw Dio mu.
Beyengün wenu mapu nagpayngün, che ad ngetuyngün, tañi ayün engün kureyenebel pu domüche mapu mu mülelu. Niebüyngün re weyake pu püñeñ, ka doy newengelu kake che mu.
Tübachi Mapu apolekebüy re weyake che mu. Biblia eypi: ‘Müna weyañmangebüy tati pu che. Rakiduamkebüyngün re weyalkamekeal engün müten’.
Noe mupitubi Chaw Ngünechen ka dewmay kiñe arka Génesis 6:13, 14, 18, 19, 22; Ebrew 11:7
Noe küme wentru em. Jewba eypieyu: ‘Iñche apümabiñ kom weyake che, kiñe pütra mangiñ ko mu’.
Chaw Ngünechen ka eypibi Noe: ‘Dewmange kiñe pütra kenken kanoga ruka, arka pingekebüy. Tukulabimi kom billke kulliñ, ka konaymi tami pu che yemün’.
Noe kimelelbi kom pu che tañi küpayal kiñe pütra mangiñ ko, welu allkütuñmalabingün. Kiñeke che ayekawingün, kakelu müna lladküy engün.
Noe tukuli kom kulliñ arca mu tañi dewmal.
