Quiñe rupa fill tripantu, huall mapu meu pu Dunguquelu Ineingen Jehová ca millonque che mangelngelu trahuqueingün ñi acordayafiel Jesús tañi lan, chumngechi feipieiñmu taiñ femal (Lucas 22:19). Tüfachi trahun quelluqueiñmu taiñ quimal fente falin-ngen ñi hulün Jesús tañi mongen com pu che mu. Ca quimeltuqueiñmu chumngechi Jesús tañi lan quelluqueiñmu famülque ca cüpalechi antü meu (Juan 3:16).

 Amuimi tüfachi tripantu ti trahun ñi acordangeal Jesús tañi lan cam amulaimi chi, ¿chumafuimi tami cümelcayaeteu Jesús tañi lan? Quisu quimeltui taiñ femal epu falin-ngechi dungu:

1.  1. Quimafiel ta Dios ca Jesús. Quiñe ngillatun tañi Huenu Chau mu, Jesús feipifi : “Ñi nieal engün rumel mongen, mülei tami quimaeteu engün, tati quiñen rüfngechi Ngünechen, ca ñi quimafiel ta Jesucristo, eimi tami huercüfiel” (Juan 17:3).

2.  2. Inayafiel chem taiñ quimeltueteu. Jesús feipi taiñ inañmayafiel ñi quimeltun taiñ mongen mu. Por ejemplo, quiñe rupa fentepuulu ñi hueupin, saquifi com pu “allcütulu ñi feipin ca inaniefilu” (Lucas 6:46-48) Ca antü mu Jesús femngechi feipi: “Deu quimlu tüfachi dungu, ayüucüleaimün tamün inaniefiel” (Juan 13:17).

 ¿Ayüafuimi doi quimal Chau Dios ca Jesús meu? ¿Chumngechi inayafuimi chem tami quimeltungeel? Tüfa quiñeque falin quellun.

 Taiñ chillcatun Biblia mu quelluquefiyiñ fentren che ñi ngüneduamal Biblia ca inañmayafiel tañi feipieteu ñi mongen mu. Tüfachi chillcatun Biblia cofrangequelai.

•   Tami doi quimal tüfachi chillcatun meu amunge ti pagina “Chillcatuaimi Biblia inei engu tami quelluaeteu”.

•   Tami peal chumngechi quimeltuchequeiñ Biblia mu pefinge ti video Ayühun-ngepe tami chillcatuniefiel Biblia.

 Pu Dunguquelu Ineingen Jehová fill semana mu epu rupa trahuluuquei Trahunhue Ruca mu. Tüfachi trahun mu ngüneduamqueiñ ti Biblia ca chumngechi inañmayafiel ñi quimeltun taiñ mongen mu.

 Inei rume amuafui tüfachi trahun mu, testigongenole rume. Pepi amunolmi trahun mu, peafuimi chi trahun internet mu.

•   Tami quimal chumlen taiñ trahun pefinge ti video ¿Chumqueingün am pu Dunguquelu Ineingen Jehová tañi Trahunhue Ruca mu?

•   Tami quintual quiñe Trahunhue Ruca doi püllelelu eimi mu, amunge ti pagina “Pu Dunguquelu Ineingen Jehová tañi trahun”.

 Mülei fentren troquiñ ca video taiñ pagina internet mu tami quelluaeteu doi quimal Jesús tañi quimeltuel ca chumngelu falin-ngei ñi hultucun tañi mongen.

 Por ejemplo, ayülmi tami quimal chumngechi quiñe huentru ñi lan quelluquefi millonque che, papeltufinge ti troquiñ “¿Chumngechi montuleiñmu Jesús?” ca “Jesús tañi lan, ¿chumngechi montulqueiñmu?”, cam pefinge ti video ¿Chumngelu lai Jesús?