KIMELTUN 7
¿Chumgechi Jewba ngünenieaeiñmew?
1. ¿Chumgechi Jewba ngünenieaeiñmew?
¿Chumgelu (chemu) feypingeafuy Jesu doy küme rey ngey? (MARKU 1:40-42)
Jewba üytufi ñi Fotüm, Jesukristo, ñi ngünenieal rey reke wenu mu. Chillkatunge Apokalipsi 11:15.
Dio folilnentuafi kom wentru ñi ngünenieel, feymu kidu elkünuafi Jesu ñi ngünenietual kom Mapu. Feymu chumkünuy wenu Dio ñi ayün, ka femay faw Mapu mew. Feychi rey dullieyew Dio, eluay kom ñi duamkeel ta che, ka femay kom che mülealu Mapu mew kiñewkületuay. Rüf kümeke dungu tati ¿felelay? Chillkatunge Daniel 2:44; Matew 6:9, 10, NM, ka 24:14.
Pefinge ti video ¿Chem am chi Chaw Ngünechen ñi Ngünenien?
2. ¿Chumgelu (chemu) Jesu doy küme rey ngey?
Dio ñi Fotüm küme piwkengey ka rumel küdawküley nordungun mew, feymu lle doy küme rey ngey (Matew 11:28-30). Kafey niey ti newen ñi kelluafiel ta che, ka püneafi ngüneniele tüfachi Mapu, wenu mu. Dew wiñomongeltungey, Jesu püratuy wenu, chew üngümkülefuy tañi Chaw ñi man püle mew, femkünule wüla Jewba ñi eluñmayafiel tañi ngünenieal tüfachi Mapu mew (Ebrew 10:12, 13). Fewla, Dio elufi ñi ngünenieal. Chillkatunge Daniel 7:13, 14.
3. ¿Iney (iñi) engün ngünenieay Jesu engu?
Biblia feypi kiñe trokiñ che Dio ñi pu kona, ngünenieay Jesu engu. Daniel 7:27 “dullingelu” (ngümintungelu) üytungey. Tachi wüne dullingelu (ngümintungelu) fey ta Jesu ñi pu apostol. Fachantü Jewba petu dulliniefi (ngümintuniefi) pu wentru ka pu domo nielu mupiltun mu, ñi dullingelu (ngümintungelu) ngeal. Jesu reke, lalu tüfachi pu che amutuy wenu mu, ka llowkeyngün kiñe püllütu kuerpu. Chillkatunge Juan 14:1-3, ka 1 Korintio 15:42-44.
¿Chumten che amuayngün wenu mu? Biblia feypi amuay kiñe pichin che müten, ka Jesu “pichin-ngeymün” pifi engün (Luka 12:32). Ngüneniealu tüfachi Mapu Jesu engün ñi tunten ngen 144.000 che. Chillkatunge Apokalipsi 14:1.
4. Jesu nülu ñi ngünen, ¿chem dungu rupay?
Jesu nüy ñi ngünen 1914 tripantu mu, ka ñi wünen femün fey ta nentufi Satana ka tañi pu weküfu wenu mu, ka ütrüfnakümgepay Mapu mu. * Weküfu ta rume fütra lladküy, ka wedalkamekey kom Mapu püle (Apokalipsi 12:7-10, 12). Feychi mew, kom weda dungu ruparupamekey ta che doy wedalkalerpuy. Tati awkan (weychan), fütrake nüyün, kutran, ka ngüñün mupiy chem pilen tati pelon dungu, ka pengeli Dio ñi ngünenietual Mapu, ka pürüm (pür) ngünenieafi kom taiñ Mapu. Chillkatunge Luka 21:7, 10, 11, 31.
5. ¿Chumekey Dio ñi ngünenietual Mapu famülke mew, ka chumay küpalechi antü mu?
Kiñe amul dungun küdaw kom wall Mapu mew, Dio ñi ngünenietual Mapu trawüley “fentren pu che” kom mapu püle. Rume fentren küme piwke wentru ka domo, ayükey ñi ngünenieetew Jesu ka feyentuniefi (müngeltuniefi) kidu. Kom tüfa montuay engün Dio ñi ngünen mu apümfile kom wedake che mülelu Mapu mu. Fey mew ayülmi tami llowal Dio ñi kümelkan, ñi ngünen mew femay, müley tami feyentuafiel Jesu. Chillkatunge Apokalipsi 7:9, 14, 16, 17.
Kiñe warangka tripantu mu, Dio ñi ngünenieal Mapu wechutriparpuay Dio ñi wünen duam niefel kom pu che mu. Tüfachi Mapu kiñe küme rumel mülewe ngetuay. Af mew, Jesu wiñoleltuafi tañi Chaw kom ñi ngüneniekeel (1 Korintio 15:24-26). ¿Ayülafuymi tami dunguafiel ka che tüfachi Dio ñi ngünenietual Mapu? Chillkatunge Salmo 37:10, 11, 29.
^ parr. 6 Doy kimal tüfachi pelon dungu feypikünuy 1914 tripantu mu, pefinge chi lifru Tati Biblia ñi rüf kimeltukeel, ti ad tapül 215-218.
