Pu Dunguquelu Ineingen Jehová ayühunquechi hulqueingün plata, femngechi ñi cullingeal tañi amuldungun cüdau.⁠ a Tucuqueingün plata fillque caja de contribuciones mu mülelu taiñ Trahunhue Ruca. Huelu taiñ pagina de internet jw.org^® pengeli ñi caquerumen chumngechi hulngequei plata ñi amuleal taiñ amuldungun cüdau. Pu che quisu dulliquei ñi hulal plata, fei ñi cullingeal taiñ amuldungun cüdau cam ñi cullingeal fillque duam tañi trahunche mu, cam epu rume dungu mu hulafui plata.

 Inei no rume feipingelai tunten plata tañi hulafel. Ngelai ñi hulal tati diezmo (2 Corintios 9:7). Taiñ Trahunhue Ruca meu femngequelai ta colecta ca cofrangequelai ta conpuam. Pu peñi cofraquelai ñi loncoleal fautizahun mu ta che, lan mu che ca mafühun mu no rume. Fendequelaiñ itrofillem taiñ ngülümal plata. Ca femquelaiñ fiesta, aucantun ca chem femngechi dungu no rume taiñ ngülümal plata. Ca feipiyahulquelafiyiñ che taiñ eluaeteu plata. Ca feipingequelai chem che ñi hulün ta plata (Mateo 6:2-4). Taiñ publicaciones mu ngelai publicidad taiñ doi elungeal ta plata.

 Fillque cüyen tati trahunche mu feipingequei tunten plata lloungequei. Inei rume ayüle, amuafui feitachi trahun mu. Cafei rupan mu quiñeque cüyen, cüme ngüneduamngequei chumngechi ñi adcünungequen ti plata dungu, femngechi com ñi cüme amuleal (2 Corintios 8:20, 21).

•   Cajas de contribuciones: Com taiñ Trahunhue Ruca mu, mülei feichi caja. Ayüfulmi, hulafuimi plata feiti mu.

•   Hulal plata internet mu: Fentren pais mu, conafuimi ti pagina “Hulal plata tati pu Dunguquelu Ineingen Jehová mu”. Hulafuimi plata tarjeta de credito cam debito mu. Femafuimi transferencia bancaria cam caquelu femngechi dungu.⁠ b Quiñeque peñi ca lamngen huichucünuquei plata fill cüyen, feimu feichi pagina mu adcünuingün ñi quisu hulngeal ti plata fill cüyen (1 Corintios 16:2).

•   Donaciones planificadas: Quiñeque mu ñi hulngeal ti plata, duamniengei cüme adcünual ca duamniengei pu abogado ñi quellun. Femngechi femülmi, doi cüme adcünungeafui ti plata chumngechi ñi femngequen tami pais mu. Fentren peñi ca lamngen ngüneduamquei ñi chumngechi hulal plata petu ñi mongelen, cam adcünual ñi hulngeal ti plata deu ñi lan ti che. Mütrümfinge ti Betel ruca ñi nieel pu Dunguquelu Ineingen Jehová doi püllelelu eimi mu, femngechi tami hulal plata tüfachi dungu mu:

  •   cuentas bancarias

  •   seguros ca planes de jubilacion

  •   bienes raices

  •   acciones ca bonos

  •   testamentos ca fideicomisos

 Ayülmi tami doi quimal chumngechi hulal plata cheu tami mülen, amunge tati pagina “Hulal plata tati pu Dunguquelu Ineingen Jehová mu”.