নিশ্চয় সহায় আগবঢ়ায়। কাৰণ “নিৰাশত থকা লোকসকলক ঈশ্বৰে শান্ত্বনা আৰু উৎসাহ দিয়ে তথা সতেজ আৰু উল্লাসিত কৰে।”—২ কৰিন্থীয়া ৭:৬, দ্যা এমপ্লিফাইড্‌ বাইবেল।

•   শক্তি। আপোনাৰ সমস্যাবোৰ দূৰ কৰাৰ যোগেদি ঈশ্বৰে আপোনাক “সতেজ আৰু উল্লাসিত” কৰে এনে নহয়। কিন্তু যেতিয়া আপুনি সমস্যাবোৰ সন্মুখীন হʼবলৈ শক্তি বিচাৰি প্ৰাৰ্থনা কৰে, তেতিয়া তেওঁ আপোনাৰ প্ৰাৰ্থনাৰ উত্তৰ দিয়ে। (ফিলিপীয়া ৪:১৩) আপুনি নিশ্চিত হোৱা উচিত যে ঈশ্বৰে আপোনাৰ প্ৰাৰ্থনা শুনিবলৈ সাজু হৈ আছে। এই বিষয়ে বাইবেলে বৰ্ণনা কৰিছে যে ঈশ্বৰ “যিহোৱা ভগ্ন-চিত্তীয়াবিলাকৰ ওচৰ; খেদিত মন হোৱাবিলাকক তেওঁ পৰিত্ৰাণ কৰে।” (গীতমালা ৩৪:১৮) যদিও আপুনি প্ৰাৰ্থনাৰ যোগেদি ঈশ্বৰক সকলো কথা বিৱৰি কʼব নোৱাৰে, কিন্তু আপোনাৰ হৃদয়ৰ কথা তেওঁ বুজি পায়।—ৰোমীয়া ৮:২৬, ২৭.

•   ভাল উদাহৰণ। বাইবেলৰ এজন লেখকে ঈশ্বৰলৈ এইদৰে প্ৰাৰ্থনা কৰিছিল: “হে যিহোৱা, মই অগাধ জলৰ মাজত থাকি তোমাৰ আগত প্ৰাৰ্থনা কৰিলো।” ঈশ্বৰে যে আমাৰ পাপ ক্ষমা কৰিব বিচাৰে, এই কথা মনত ৰাখি গীতৰচকে হতাশাৰ সন্মুখীন হʼব পাৰিছিল। ইয়াৰ উপৰিও তেওঁ ঈশ্বৰক এইদৰে কৈছিল: “হে যিহোৱা, তুমি অপৰাধ ধৰিলে, কোনে তিষ্ঠিব পাৰে? কিন্তু লোকে তোমালৈ ভয় ৰাখিবৰ নিমিত্তে, তোমাৰ লগত ক্ষমা আছে।”—গীতমালা ১৩০:১, ৩, ৪.

•   আশা। বৰ্তমান সময়ত সান্ত্বনা দিয়াৰ লগতে, ঈশ্বৰে হতাশাক সৃষ্টি কৰা সমস্যাবোৰ নাইকিয়া কৰিব বুলি প্ৰতিজ্ঞা কৰিছে। যেতিয়া ঈশ্বৰৰ এই প্ৰতিজ্ঞা পূৰ হʼব, তেতিয়া “পূৰ্ব্বকালৰ কথাবোৰ [হতাশাও জড়িত আছে] সোঁৱৰণ কৰা বা মনত কৰাও নহব।”—যিচয়া ৬৫:১৭.

 টোকা: হতাশাৰ সন্মুখীন হোৱাৰ বাবে ঈশ্বৰে ব্যৱস্থা কৰা সহায় গ্ৰহণ কৰাৰ উপৰিও যিহোৱাৰ সাক্ষীসকলে চিকিৎসকৰ সহায় লয়। (মাৰ্ক ২:১৭) কিন্তু আমি কোনো বিশেষ চিকিৎসা পদ্ধতিৰ বাবে মতামত আগ নবঢ়াওঁ। আমি বিশ্বাস কৰোঁ যে প্ৰতিজন ব্যক্তিয়ে এই বিষয়ে নিজেই নিৰ্ণয় লোৱা উচিত।