Religión falsa
¿Taqpach religionanakat cheqpach Diosar adorapjje?
Jan mä igualak yatichapki uka religionanakarojj ¿Jehová Diosajj katoqeti?
Mt 7:13, 14; Jn 17:3; Ef 4:4-6
-
Bibliankir aka sarnaqäwinakaw yanaptʼistaspa:
-
Jos 24:15. Josué chachan arunakaparjamajja, Jehová Diosarut serviñäni jan ukajj yaqha diosanakaruch serviñäni ukwa amtañasa.
-
1Re 18:19-40. Elías profeta toqejja, Diosar adoririnakajj kunatsa yaqha diosanakar jan adorapjjañapäki ukwa Jehová Diosajj qhanstayäna.
-
Markanakankir diosanakatsa uka diosanakar adorir jaqenakatsa, ¿kunsa Jehová Diosajj amuyäna?
Diosar adoririnakajj religionanakan uñstayat jan wali luräwinakap lurapki ukhajja, ¿kunjamas Jehová Diosajj jikjjatasi?
Is 1:13-15; 1Co 10:20-22; 2Co 6:14, 15, 17
-
Bibliankir aka sarnaqäwinakaw yanaptʼistaspa:
-
Éx 32:1-10. Jehová Diosatak mä estatua lurarapipjjeta sasin israelitanakajj mayipjjäna ukhajja, Aaronajj mä cincelampiw vaca qallur uñtasit mä estatua lursüna, ukham luratapat Jehová Diosajj walpun colerasïna.
-
1Re 12:26-30. Jeroboán reyejja jaqenakan Jerusalenankir templor sarapjjañap janiw munkänti, ukatwa Jehová Diosar representañatakejj pä vaca qallunak qorit luräna. Ukham lurasajj israelitanakaruw juchar puriyäna.
-
Yaqha diosanakar adorapki ukanakamp chikachasiñajj kunatsa jan walïki ukjja, ¿kunjamsa Jehová Diosajj israelitanakar qhanañchäna?
Markapajj yaqha diosanakar adoräna ukhajja, ¿kunsa Jehová Diosajj luräna?
Jue 10:6, 7; Sl 106:35-40; Jer 44:2, 3
-
Bibliankir aka sarnaqäwinakaw yanaptʼistaspa:
-
1Re 11:1-9. Salomón reyejj extranjera warminakamp casarasisajj yaqha diosanakaruw adorjjäna, markankirinakarus uk lurapjjañapatakiw chʼamañcharakïna. Ukatwa Jehová Diosajj Salomonatak wal colerasïna.
-
Sl 78:40, 41, 55-62. Asaf chachan arunakaparjamajja, israelitanakajj Dios contra saytʼapjjatapata ukhamarak idolonakar adorapjjatapatwa Jehová Diosamp apanukut uñjasipjjäna.
-
Diosan Arup conträkäna uka religionan yatichäwinakaparojj ¿kunjamsa Jesusajj uñjäna?
-
Bibliankir aka sarnaqäwinakaw yanaptʼistaspa:
-
Mt 16:6, 12. Fariseonakana ukat saduceonakan yatichäwinakapajj levadurar uñtasitawa sasaw Jesusajj säna, kuna laykutejj uka jan wali yatichäwinakajj jankʼakiw saratatäna Diosan Aruparus jan waltʼayarakïnwa.
-
Mt 23:5-7, 23-33. Escribanakana ukat fariseonakan jan sum sarnaqapjjatapasa kunatï kʼarïki uk yatichapjjatapas janiw walïkiti, ukham lurasajj kʼari chuymanïpjjatapwa uñachtʼayasipki sasaw Jesusajj qhan säna.
-
Mr 7:5-9. Diosan Arupat sipansa escribanakatakisa fariseonakatakis jaqenakan uñstayat costumbrenakakiw jukʼamp importantëna, ukatwa Jesusajj jupanakar cheqañchäna.
-
¿Discipulonakapan walja religionanakar tʼaqjjtañapti Jesusajj munäna?
-
Bibliankir aka sarnaqäwinakaw yanaptʼistaspa:
-
Jn 15:4, 5. Jesusajj discipulonakaparojj mä uvas alitwa parläna, ukhamatwa kunatsa arkirinakapajj jupamp mayakïpjjañapäna kunatsa jupanakkamas mayakïpjjañapäna uk qhanstayäna.
-
Jn 17:1, 6, 11, 20-23. Jesusajj qhep qhepa aruma apostolonakapamp tantachaskäna ukhajja, cheqpach discipulonakapan mayakïpjjañapatakiw taqe chuym oräna.
-
Nayrïr patak maran utjkäna uka congregacionanakajja, ¿mä pachpa yatichäwir creyisajj Jehová Diosarukit adorapjjäna?
-
Bibliankir aka sarnaqäwinakaw yanaptʼistaspa:
-
Hch 11:20-23, 25, 26. Antioquía ukat Jerusalén markankir congregacionanakajja, wali mayachtʼataw juntok Diosar servipjjäna.
-
Ro 15:25, 26; 2Co 8:1-7. Nayrïr patak maranakanjja, cristiano congregacionankirinakajj maynit maynikamaw jan wali tiemponakan yanaptʼasipjjäna, ukhamatwa kunja mayachtʼatäpjjänsa ukajj qhan amuyasïna.
-
Jesucristoruw creyipjjta sasin sapki uka religionanakajj ¿Diosan katoqatäpjjarakiti?
Jesusana ukat apostolonakapan yatichäwinakap apanukuwayapki ukanakan adoracionapjja, ¿Diosajj katoqasirakiti?
-
Bibliankir aka sarnaqäwinakaw yanaptʼistaspa:
-
Mt 13:24-30, 36-43. Kunjamtï mä oraqen jan wali qorajj wal jilantkejja ukhamarakiw walja falso cristianonakajj uñstapjjani, jupanakajj congregación taypiruw mantapjjani sasaw Jesusajj säna.
-
1Jn 2:18, 19. Apóstol Juanajj wali jilïrëjjäna ukhajja, niya 100 maranak tukuyarojj walja anticristonakaw utj-jje sasaw säna.
-
Jan walinak yatichapki ukanakasa Jesusar jan istʼapki ukanakasa, ¿congregación taypinkapjjarakispati?
Mayachtʼatäskakiñatakejja, ¿kunsa cristianonakajj lurapjjañapa?
¿Kunatsa cristianonakajj falso religionampejj janipun chikachasipjjañapäki?
¿Kunatsa religionanakan jan wali yatichäwinakapat jaqenakar parlañasa?
Falso religionankirinakat yaqhepajj jan waltʼayañatak arknaqapjjestani ukhajja, ¿kunatsa jiwasajj jan sustjasiñasäki?
Akanakajj inas gustarakiristam
YATIYAÑATAKI
Religionanakan mayachtʼasipjjañapti ¿Diosajj munpacha?
¿Sumankaña ukat taqenis mayachtʼatäña thaqañapunit taqe kunat sipans wakispacha? Bibliajj uka toqet kuns qhanañchi uk yatjjatasajj inas muspharchïta.
BIBLIAN YATICHÄWINAKAPA YATEQAÑÄNI
Mä reinojj payaruw jaljtäna
Walja israelitanakajj janiw Jehová Diosar adorjjapjjänti.
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
