Usunakat jarkʼaqasiña
Bibliajj janiw qollanakat parlir librökiti, ukampis usunakat jarkʼaqasiñatakiw yanaptʼistu. Biblian wiñay yatichäwinakapajj jan jankʼak usuntañatakiw yanaptʼistaspa, ukanakat mä qhawqha uñjañäni.
CUERPOS CUIDAÑA
BIBLIAJJ KAMSISA: “Janiw khitis pachpa cuerpoparojj kunäkipans uñiskiti, antisas manqʼayiwa, wali munasiñampiw uñjaraki” (Efesios 5:29).
KAMSAÑSA MUNI. Biblian uka wiñay yatichäwipajj cuidasiñatakiw chʼamañchistu, ukhamat jan usuntañataki. Mä yatiyäwirjamajja, cuerpos jan sum cuidasitasatwa usuntañar purtʼassna, ukampis cuerpos sum cuidasiñäni ukhajja, usunakat jarkʼaqassnawa.
KUNSA LURASMA
-
Yanaptʼkir manqʼanak manqʼaña. Cuerpor yanaptʼkir manqʼanak manqʼañatakiw chʼamachasiñama, walja umwa umañamaraki.
-
Kuns lurañapuni. Mä kuns lurañapunejja, taqeniruw jan jankʼak usuntañatak yanaptʼaspa, jan qollañjam usuninakarusa jan ukajj discapacitadonakarus yanaptʼarakispawa. Familiaranakamasa jan ukajj mä doctorasa, ejercicionak lurañamatakiw yanaptʼapjjeristam, ukampis jumaw uk amtjjañama.
-
Sum iktʼasiña. Jukʼa horanakak ikiñar yatintat jaqenakajja, jan wali usunakampiw apjjatasipjjaspa. Jilaparte jaqenakajj yaqha lurañanak lurañ laykuw jan sum ikipkiti. Sum iktʼasirinakajj jukʼamp sumaw jikjjatasipjje.
JAN WALI LURAÑANAK JAYTAÑA
BIBLIAJJ KAMSISA: “Kunanakatï cuerposarus amuyusarus qʼañuchki ukanakat qʼomachasipjjañäni” (2 Corintios 7:1).
KAMSAÑSA MUNI. Kunatï cuerpomar jan waltʼaykaspa ukanakamp cuerpom jan qʼañuchkäta ukhajja, janiw jankʼak usuntkätati. Sañäni, cigarro fumañajj waljaniruw usuntayi, jiwañar kunaw purtʼasiyaraki.
KUNSA LURASMA. Cigarro fumañ jaytañatakejj mä fecha calendarioman qellqtʼasim, yanaptʼapkätam uka amigonakamarus yatiyarakim. Janïr uka uru purinkipanjja cigarrillonaksa, cigarron qhellap uchañanaksa, cigarro naktayañanaksa jan ukajj yaqha ukhamanaksa taqpach willtjjam. Kawkjantï cigarro fumapki uka cheqanakarus jan saramti.
BIBLIAN YAQHEP WIÑAY YATICHÄWINAKAPA
Mä Biblia munsta ukhajja, markaman jakasiri Jehová Diosan Testigonakapampiw parltʼañama.
AMUYUMP LURAÑA
“Kunapachatejj maynejj mä machaq uta lurasini, uta patapan terrasarojj mä perqampi muyuntayañapawa; ukhamatwa familiapajj jan juchañchata uñjasini, khititejj uka terrasat jalaqtasin jiwkaspa ukatjja” (DEUTERONOMIO 22:8).
PACIENCIANÏÑA
“Wali paciencia chuymanïñasti wali chʼikhïtapwa uñachtʼayi; jan paciencianïñasti jan amuytʼanïtapwa uñachtʼayaraki” (PROVERBIOS 14:29, AYMAR BIBLIA).
JAN SINT MANQʼAÑA
‘Janirak sinti manqʼer jaqenakampi mayachasimti’ (PROVERBIOS 23:20).
Akanakajj inas gustarakiristam
¡SARTAPJJAÑÄNI!
¿Kunjamatsa kusisit jakassna? Janiw llakimp aynachtʼañasäkiti, cuerposas qʼomäñapawa
Usuntsna ukhajja, ¿janit kusisit jakasjjsna?
