¿Jumajj kamsasmasa?

• Jïsa

• Janiwa

• Inasa

Bibliajj akham siwa

Jesusajj aka oraqer apnaqjjani ukhajja, ‘sumankañasti phajjsin tukusiñapkamaw utjani’ mä arunjja wiñayatakiw utjani (Salmo 72:7).

Bibliajj akham saskakiwa

• Aka oraqenjja jan walinak lurir jaqenakajj janiw utj-jjaniti, ukhamasti jaqenakajj “jilarkir sumankañampiw” kusisipjjani (Salmo 37:10, 11).

• Guerranak Diosajj chhaqtayjjaniwa (Salmo 46:8, 9).

Jaqenakajj akham sapjjewa Janjakiw jan llakisis jakasiñajj utjkaspati sasa, aka oraqenjja tʼaqesiñasa jan waltʼäwinakasa sintipuniwa sasaw sapjjaraki. ¿Jumajj kamsasmasa?

Bibliajj akham siwa

Jichhürunakanjja, “Diosaw sumankañapjja” amigonakaparojj churaspa, “uka sumankañapasti jaqenakajj kuntï amuyki ukat sipansa jukʼampiwa” (Filipenses 4:6, 7).

Bibliajj akham saskakiwa

• Diosajj taqe jan walinaksa tʼaqesiñanaksa chhaqtayäwa, “taqe kunsa machaqatwa” lurarakëjja sasaw arsu (Apocalipsis 21:4, 5).

• Jiwasatï ‘Diosat yatjjatañäni’ ukhajja sumankañan jakasiñäni (Mateo 5:3).