Зәбур 147:1—20
147 Јаһа алгыш един!
Аллаһымызы нәғмәләрдә тәрәннүм етмәк нә јахшыдыр,Она алгыш етмәк нә хошдур, алгыш Она јарашыр.
2 Јеһова Јерусәлими инша едир,Пәрән-пәрән дүшмүш Исраили бир јерә топлајыр.
3 О, гәлбисыныглара шәфа верир,Сызылдајан јараларыны сарыјыр.
4 О, улдузларын сајыны һесаблајыр,Һәр бирини ады илә чағырыр.
5 Рәббимиз әзәмәтлидир, гүдрәти бөјүкдүр,Һикмәти һәдсиздир.
6 Јеһова һәлимләри галдырыр,Шәр адамлары исә јерә вурур.
7 Јеһоваја һәмд нәғмәләри охујун,Аллаһымызы чәнҝдә тәрәннүм един.
8 О, ҝөјләри булудларла өртүр,Јер үзүнә јағышлар јағдырыр,Дағларда јашыл отлар битирир,
9 Һејванлары,Чығырышан гузғун балаларыны једиздирир.
10 Она зөвг верән атын ҝүҹү дејил,Инсанын мөһкәм ајаглары Ону һејрәтә салмаз.
11 Јеһова Ондан горханлардан,Мәһәббәтинә үмид бағлајанлардан хошланыр.
12 Еј Јерусәлим, Јеһованы мәдһ ет!
Еј Сион, Аллаһа алгыш сөјлә!
13 Чүнки О, сәнин дарвазаларынын рәзәләрини бәркидир,Оғулларына хејир-бәрәкәт верир.
14 Торпағына әмин-аманлыг бәхш едир,Сәни ән јахшы буғда илә бәсләјир.
15 Бујруғуну јерә ҝөндәрир,Сөзү чапартәк сүрәтлә гачыр.
16 Гар јағдырыр, ағ јун кими,Гыров сәпир, күл кими.
17 Долу төкүр, чөрәк тикәләри кими,
Сојуғуна ким дөзәр?
18 Әмр едир, онлар әријир.
Күләји әсдирир, сулары ахыдыр.
19 Сөзүнү Јагуба,Гајда-ганунуну, һөкмләрини Исраилә бәјан едир.
20 Башга һеч бир халга буну етмәјиб,Онлар Онун һөкмләри барәдә һеч нә билмирләр.
Јаһа алгыш един!
