Зәбур 77:1—20
Дирижора. Јадитун* үчүн. Асәфин мәзмуру.
77 Аллаһы сәсләрәм, Она фәрјад едәрәм,Ону чағырарам, О, мәни ешидәр.
2 Дар ҝүндә Јеһованы ахтарырам,
Ҝеҹәләр ҝөјләрә әл ачырам дурмадан,
Үрәјим бир јердә гәрар тутмајыр.
3 Аһ-налә илә Аллаһы јада салырам,Динҹлијими итирмишәм, тагәтим әријиб ҝедир. (Селаһ)
4 Ҝөзүмү јуммаға гојмурсан,Нараһатам, даныша билмирәм.
5 Кечмиш ҝүнләри,Архада галмыш илләри дүшүнүрәм.
6 Ҝеҹәләр телләрин авазы* јадыма дүшүр,Гәлбим дүшүнҹәләрә далыр,Руһум дәрин ахтарышдадыр.
7 Ҝөрәсән, Јеһова биздән һәмишәлик үз дөндәриб?
Мәҝәр О, бир дә бизә рәғбәт ҝөстәрмәјәҹәк?
8 Олмаја, хејирхаһлығы әбәдилик түкәниб?
Олмаја, вәди һеч вахт јеринә јетмәјәҹәк?
9 Бәлкә, Аллаһ лүтфүнү унудуб?Јахуд гәзәби рәһминин габағыны кәсиб? (Селаһ)
10 Нијә ахы елә һеј: «Бу дәрд ичими ҝөјнәдир,
Һагг-Таала биздән үз дөндәриб», — демәлијәм?
11 Мән Јаһын ҝөрдүјү ишләри хатырлајарам,Гәдимдәки мөҹүзәләрини јада саларам.
12 Әмәлләрин барәдә дүшүнҹәләрә даларам,Бүтүн ишләрини дәрин-дәрин дүшүнәрәм.
13 Пәрвәрдиҝара, јолларын мүгәддәсдир.
Еј Аллаһ! Сәнинтәк бөјүк аллаһ вармы?
14 Харигәләр јарадан ҝерчәк Аллаһ Сәнсән,
Халглара ҝүҹүнү изһар етмисән.
15 Халгыны голунун гүввәти илә гуртардын,Јагубун, Јусифин оғулларыны. (Селаһ)
16 Сулар Сәни ҝөрдү, еј Аллаһ,Сулар Сәни ҝөрдү, һәјәҹана ҝәлди.
Үмманын ҹанына вәлвәлә дүшдү.
17 Булудлар сулары төкдү,
Гара булудлу ҝөјләр ҝурлады,Охларын ора-бура учушурду.
18 Ҝурултун ҹәнҝ арабаларынын сәси кимијди,Шимшәјин јер үзүнү ишыгландырды,Јер титрәди, ләрзәјә ҝәлди.
19 Јолун дәниздән кечирди,Әнҝин суларда ҹығыр ачдын,Амма ләпирин галмады.
20 Халгыны сүрү кими апардын,Мусанын, Һарунун әли илә.
