Мәсәлләр 2:1—22
2 Оғлум, әҝәр сөзләрими гәбул етсән,Һөкмләрими горујуб сахласан,+
2 Гулағыны һикмәтә сары ачсан,+Гәлбини бәсирәтә мејилләндирсән,+
3 Әҝәр дәрракәни чағырыб+Бәсирәти сәсләсән,+
4 Онлары ҝүмүш кими арасан,+Дәфинә кими ахтарсан,+
5 Онда Јеһовадан горхмағын нә олдуғуну анларсан,+Аллаһын елминә јетишәрсән.+
6 Ахы һикмәт верән Јеһовадыр,+Елмлә бәсирәт Онун дилиндән чыхыр.
7 Аллаһ һикмәти дүрүст адамлар үчүн горујур,О, камиллик јолу илә ҝедәнләрә галхандыр.+
8 Нәзәри һаггын јолларынын үстүндә олар,Садиг бәндәләринин јолуну һифз едәр.+
9 Беләҹә, сән доғрулуғу, һагг-әдаләти,Хејрин бүтүн јолларыны дәрк едәрсән.+
10 Һикмәт үрәјиндә гәрар тутанда,+Билик көнлүнә јатанда+
11 Дүшүнҹә сәни горујар,+Бәсирәт сәни һифз едәр.
12 Сәни пис јолдан,Јалан данышанлардан,+
13 Доғру јолдан азыбЗүлмәтдә јеријәнләрдән,+
14 Пис ишләрдән хошланан,Шәрдән, алчаг әмәлләрдән һәзз аланлардан,
15 Әјри јолла ҝедәнләрдән,Һәјатыны јалан үзәриндә гуранлардан,
16 Позғун арваддан,Әхлагсыз гадынын ширин дилиндән горујар.+
17 Бу гадын ҹаванлыг һәмдәмини атмыш,+Аллаһы илә әһдини унутмушдур.
18 Онун еви өлүмә апарыр,Ҹығырлары өлүм дустагларынын јанына ҝедир.+
19 Онун јатағына ҝирән ҝери гајытмаз,Бир даһа дириләрин јолуна дөнмәз.+
20 Хүласә, јахшыларын јолу илә ҝет,Салеһләрин јолуну тут,+
21 Чүнки јер үзүндә дүз адамлар јашајаҹаг,Орада камил адамлар галаҹаг.+
22 Писләрин исә көкү јер үзүндән кәсиләҹәк,+Хаинләр орадан гопарылыб атылаҹаг.+