Әшија 55:1—13
55 Еј сусајанлар,+ ҝәлин, ҝәлин су кәнарына!+
Еј пулу олмајанлар, ҝәлин, ҝөтүрүн, јејин!
Һајды, ҝәлин, шәрабы, сүдү пулсуз-парасыз алын.+
2 Нијә чөрәк олмајан шејә пул верирсиниз,Нијә газанҹынызы гарны дојдурмајан шејләрә хәрҹләјирсиниз?
Мәнә диггәтлә гулаг асын, јахшы шејләр јејин,+Гој ҹаныныз ләзиз тәамлардан ләззәт алсын.+
3 Мәнә гулаг верин, јаныма ҝәлин.+
Гулаг асын ки, сағ галасыныз.Онда сизинлә әбәди әһд бағлајаҹағам,+Давуда ҝөстәрдијим сарсылмаз мәһәббәтлә һәмаһәнҝ бир әһд.+
4 Будур! Мән ону халглара шаһид+,Үммәтләрә өндәр+ вә сәрдар+ етмишәм.
5 Будур! Сән танымадығын халгы чағыраҹагсан.Халгын ичиндән сәни танымајанлар Аллаһын Јеһованын+,Исраилин Мүгәддәсинин хатиринә гача-гача јанына ҝәләҹәк.Чүнки О, сәни шан-шөһрәтә јүксәлдәҹәк.+
6 Нә гәдәр ки тапмаға имкан вар, Јеһованы ахтарын.+
Һәлә ки О јахындадыр, Ону чағырын.+
7 Гој пис адам пис јолуну,Шәр адам шәр фикирләрини атсын.+Гој Јеһоваја тәрәф дөнсүн, она мәрһәмәт ҝөстәрәр.+Аллаһымыза тәрәф гајытсын, ону ҹомәрдликлә әфв едәр.+
8 Јеһова бәјан едир: «Мәним фикирләрим сизин фикирләриниз дејил,+Мәним јолларым сизин јолларыныз дејил.
9 Ҝөјләр јердән нә гәдәр уҹадырса,Мәним јолларым сизин јолларыныздан,Мәним фикирләрим, сизин фикирләриниздән о гәдәр уҹадыр.+
10 Јағыш вә гар ҝөјдән јерә јағыр,Торпағы ислатмамыш, ону барлы-бәһәрли етмәмиш,Әкинчијә тохум, јејәнә чөрәк вермәмиш ҝери гајытмыр.
11 Ағзымдан чыхан сөз дә белә олаҹаг.+
О, јаныма әлибош гајытмајаҹаг,+Әксинә, истәјими һөкмән һәјата кечирәҹәк,+Ону ҝөндәрдијим мәгсәдә мүтләг наил олаҹаг.
12 Сиз севинә-севинә чыхаҹагсыныз,+Сағ-саламат јурдунуза гајыдаҹагсыныз.+
Дағлар, тәпәләр өнүнүздә шадланаҹаг, севинҹдән ҹуша ҝәләҹәк,+Бүтүн ағаҹлар әл чалаҹаг.+
13 Тикан јеринә ардыҹ ағаҹы,Ҝиҹиткән јеринә мәрсин битәҹәк.+
Бу, силинмәз, әбәди нишан олубЈеһоваја шан-шөһрәт ҝәтирәҹәк!»+
