ЈАРАДЫЛЫШ 22:6 ајәсиндә Ибраһим пејғәмбәрин јашадығы јердән узагда гурбан ҝәтирмәси илә бағлы јазылыб: «Ибраһим јандырма гурбаны үчүн ҝөтүрдүјү одуну оғлу Исһагын күрәјинә шәләләди. Өзү исә оду вә бычағы ҝөтүрдү вә бирликдә ҝетдиләр».

Гәдимдә инсанларын оду неҹә әлдә етдији илә бағлы Мүгәддәс Китабда һеч нә јазылмајыб. Ән азы бир диншүнасын фикринҹә Ибраһимлә Исһагын узун сәфәрә өзләри илә јанар од ҝөтүрмәси мәнтигли дејил, чүнки о бојда јолу од дајанмадан јана билмәз. Чох еһтимал ки, Ибраһим од јох, од галамаг үчүн бир васитә ҝөтүрмүшдү.

Башга алимләр исә гәдимдә од галамағын чәтин бир просес олдуғуну иддиа едирләр. Инсанлар үчүн гоншудан од алмаг даһа асан иди, нәинки од галамаг. Бир чох алим исә дүшүнүр ки, од дејәндә Ибраһимин өзү илә габ, чох еһтимал ки, гулпу зәнҹирдән олан күп ҝөтүрдүјү нәзәрдә тутулур. Онларын фикринҹә күпүн ичиндә ахшамкы оҹагдан ҝөтүрдүкләри көз олуб (Әшј. 30:14). Көзү бу үсулла дашымағын сајәсиндә узун сәфәрә чыхан инсан јолда истәдији вахт од галаја биләрди.