Иса Мәсиһ ачыгламышды ки, Аллаһын Падшаһлығынын јахын олдуғуну неҹә билмәк олар (Лука 21:31). О демишди ки, диҝәр шејләрлә јанашы бөјүк мигјасда мүһарибәләр, ҝүҹлү зәлзәләләр, гытлыглар, хәстәликләр олаҹаг. Бу ҝүн бунларын һамысынын шаһиди олуруг (Лука 21:10—17).

Мүгәддәс Китабда һәмчинин дејилир ки, ахырзаманда, јәни инсан һакимијјәтинин сон ҝүнләриндә инсанлар корланаҹаг. Бу барәдә 2 Тимутијә 3:1—5 ајәләриндән охуја биләрсиниз. Јәгин бу ҝүн инсанларын давранышыны, хасијјәтини мүшаһидә едәндә ҝөрүрсүнүз ки, Мүгәддәс Китабда јазылан бу сөзләр јеринә јетир.

Бәс бу бизим үчүн һансы әһәмијјәти дашыјыр? Тезликлә Аллаһын Падшаһлығы јер үзүндә бөјүк дәјишикликләр едәҹәк вә инсанлара фираван һәјат бәхш едәҹәк (Лука 21:36). Мүгәддәс Китабда Аллаһ Јер күрәсилә вә инсанларла бағлы ҝөзәл шејләр вәд едир. Ҝәлин бу вәдләрдән бәзиләринә нәзәр салаг.

«Она [Исаја] һакимијјәт, шәрәф вә падшаһлыг верилди ки, үммәтләр, халглар вә бүтүн дилләрә мәнсуб оланлар она гуллуг етсин. Онун һакимијјәти сона јетмәјәҹәк әбәди һакимијјәтдир, падшаһлығы әсла дағылмајаҹаг» (ДӘНЈАЛ 7:14).

Мәнасы: Сиз Аллаһын тәсис етдији, Падшаһы Иса олан үмумдүнја һөкумәтин башчылығы алтында фираван јашаја биләрсиниз.

«Һеч бир сакин “хәстәјәм” демәјәҹәк» (ӘШИЈА 33:24).

Мәнасы: Сиз һеч вахт хәсәтләнмәјәҹәксиниз, һеч бир гүсурунуз олмајаҹаг. Өлүм горхусу олмадан јашајаҹагсыныз.

«Јерин бир уҹундан о бири уҹунадәк дөјүшләри кәсир» (ЗӘБУР 46:9).

Мәнасы: Мүһарибә горхусу, мүһарибәнин вурдуғу ағры-аҹы олмајаҹаг.

«Артыг пис адам олмајаҹаг... Һәлимләр јер үзүнә саһиб олаҹаг» (ЗӘБУР 37:10, 11).

Мәнасы: Јер үзүндә пис инсанлар олмајаҹаг, јалныз Аллаһа итаәт едән инсанлар јашајаҹаг.

«Онлар евләр тикиб ичиндә јашајаҹаг, үзүм бағлары салыб барыны јејәҹәк» (ӘШИЈА 65:21, 22).

Мәнасы: Бүтүн Јер күрәси ҝөзәл олаҹаг. Дуаларымыза ҹаваб олараг Аллаһын ирадәси јердә јеринә јетәҹәк (Мәтта 6:10).