Аллаһ гајғыныза галыр
МҮГӘДДӘС КИТАБДА бизим үчүн чох јахшы мәсләһәтләр вар, чүнки бу китаб Аллаһдандыр. Дүздүр, о, сағламлыгла бағлы китаб дејил. Амма изтираблы вәзијјәтләрин, бизи раһат бурахмајан фикирләрин, мәнфи емосијаларын, физики вә психи сағламлығымыза тәсир едән проблемләрин өһдәсиндән ҝәлмәјә көмәк едә биләр.
Ән әсасы, Мүгәддәс Китаб бизи әмин едир ки, Јараданымыз Јеһова Аллаһ a дүшүнҹәләримизи вә һиссләримизи һамыдан јахшы баша дүшүр. О истәјир ки, үзләшдијимиз истәнилән чәтинликдә бизә көмәк етсин. Буну нөвбәти ајәләрдәки тәсәлли сөзләриндән ҝөрмәк олар:
«Јеһова гәлбисыныглара јахындыр, пәришан инсанлары азад едир» (ЗӘБУР 34:18).
«Мән, Аллаһын Јеһова сәнин сағ әлиндән тутмушам, сәнә дејирәм: “Горхма! Сәнә көмәк едәҹәјәм”» (ӘШИЈА 41:13).
Јеһова Аллаһ психоложи проблемләрин өһдәсиндән ҝәлмәјә бизә неҹә көмәк едир? Нөвбәти мәгаләләрдән ҝөрәҹәксиниз ки, О, һәгигәтән дә, бизим гајғымыза галыр вә буну мүхтәлиф јолларла едир.
a Јеһова — Аллаһын адыдыр (Зәбур 83:18).
