Мәсиһин әлејһдары һансыса бир инсан, варлыг вә ја тәшкилат дејил. Мүгәддәс Китабда дејилир ки, «Мәсиһин әлејһдарлары» чохдур (1 Јәһја 2:18). Ашағыда садалананлары едәнләр Мәсиһин әлејһдары һесаб олунур:

• Исанын Мәсиһ вә јахуд Аллаһын Оғлу олдуғуну инкар едәнләр (1 Јәһја 2:22).

• Мәсиһә, Аллаһын мәсһ олунмушуна гаршы чыханлар (Зәбур 2:1, 2; Лука 11:23).

• Өзүнү Мәсиһ кими гәләмә верәнләр (Мәтта 24:24).

• Мәсиһин давамчыларыны тәгиб едәнләр. Исанын нәзәриндә онун шаҝирдләрини тәгиб етмәклә ону тәгиб етмиш олурлар (Һәвариләрин ишләри 9:5).

• Јалан вә ганунсузлуг пәрдәси алтында өзләринин мәсиһи олдуғуну сахтакарҹасына иддиа едәнләр (Мәтта 7:22, 23; 2 Коринфлиләрә 11:13).

Мүгәддәс Китаб бу ишләри едәнләри һәм фәрд олараг, һәм дә үмумиликдә «Мәсиһин әлејһдары» адландырыр (2 Јәһја 7). Мәсиһин әлејһдары илк дәфә һәвариләрин вахтында пејда олуб, индијә гәдәр дә фәалдырлар. Бунун белә олаҹағы Мүгәддәс Китабда әввәлҹәдән пејғәмбәрлик едилмишди (1 Јәһја 4:3).

• Иса илә әлагәдар сәһв фикирләр јајырлар (Мәтта 24:9, 11). Мисал үчүн, үч үгнум вә ја Исанын Күлли-Ихтијар Аллаһ олдуғуну өјрәдәнләр Исанын өјрәтдикләринә зидд ҝедир. Чүнки Иса дејир: «Ата мәндән үстүндүр» (Јәһја 14:28).

• Мәсиһин әлејһдарлары Аллаһын Падшаһлығынын неҹә фәалијјәт ҝөстәрмәси һагда Исанын дедикләрини инкар едирләр. Мисал үчүн, бәзи дин хадимләри дејир ки, Мәсиһ инсан һөкумәтләри васитәсилә иш ҝөрүр. Лакин бу тәлим Исанын дедикләринә зиддир. О демишди: «Мәним Падшаһлығым бу дүнјадан дејил» (Јәһја 18:36).

• Онлар дејирләр ки, Иса онларын Рәһбәридир. Лакин Падшаһлыг һаггында хош хәбәрин тәблиғ етмәк әмри дә дахил олмагла, онун әмрләринә риајәт етмирләр (Мәтта 28:19, 20; Лука 6:46; Һәвариләрин ишләри 10:42).