İsa Məsihin verdiyi öyüdlərlə və gördüyü işlərlə tanış olduqca onun gözəl xüsusiyyətlərinə heyran qalırıq. Bu isə bizdə həm ona, həm də Atası Yehovaya yaxınlaşmaq istəyi oyadır. Bəs İsanın hansı gözəl xüsusiyyətləri var? Biz ondan necə örnək ala bilərik?

1. İsa Məsih hansı mənada Atasına bənzəyir?

İsa milyard illərdir ki, göydə yaşayır. Bu müddət ərzində o, Atasını müşahidə edərək Ondan çox şey öyrənib. Buna görə də Atası kimi düşünür və Atası kimi davranır. (Yəhya 5:19 ayəsini oxuyun.) İsa Məsih xasiyyətcə Atasına o dərəcədə bənzəyir ki, bir dəfə demişdi: «Məni görən Atanı da görüb» (Yəhya 14:9). İsanın xüsusiyyətləri barədə öyrəndikcə Yehovanı daha yaxşı tanıyacaqsınız. Məsələn, İsanın insanlara göstərdiyi şəfqətdən Yehovanın bizə hansı hissləri duyduğu görünür.

2. İsa Məsihin Yehovanı sevdiyi nədən görünür?

İsa demişdi: «Atamı sevdiyimi dünya bilsin deyə, hər şeyi Atamın mənə buyurduğu kimi edirəm» (Yəhya 14:31). O hətta çətin olsa belə, Atasına tabe olurdu və bununla da Onu böyük məhəbbətlə sevdiyini göstərirdi. İsa həm də insanlara Atası barədə sevə-sevə danışırdı, istəyirdi ki, onlar da Atası ilə dost olsun (Yəhya 14:23).

3. İsa Məsihin insanları sevdiyi nədən görünür?

Müqəddəs Kitabda deyilir ki, bəşər övladları İsanın könlünün sevinci idi (Məsəllər 8:31). İsanın məhəbbəti insanlara sözləri ilə dayaq olmasından, onlara fədakarcasına kömək etməsindən görünürdü. Onun göstərdiyi möcüzələrdən təkcə gücü yox, ürəyindəki şəfqət də bəlli olurdu (Mark 1:40—42). İsa hər kəslə mehriban və qərəzsiz rəftar edirdi. Onun sözləri ürəyitəmiz insanlara təsəlli və ümid verirdi. İsa Məsih bütün insanları sevirdi və onlardan ötrü əzab çəkməyə, canından keçməyə hazır idi. Amma o, öyrətdiklərinə əməl edən kəslərə xüsusi məhəbbət bəsləyir. (Yəhya 15:13, 14 ayələrini oxuyun.)

 D Ə R İ N L İ Y Ə  V A R I N

 İCMAL

İsa Yehovanı və insanları sevir. İsa haqqında öyrəndikcə Yehovanı daha yaxşı tanıyacaqsınız, çünki İsa xasiyyətcə Atasına bənzəyir.

Təkrar

• İsa kimi, Yehovanı sevdiyimizi necə göstərə bilərik?

• İsa kimi, insanları sevdiyimizi necə göstərə bilərik?

• İsanın ən çox hansı xüsusiyyəti xoşunuza gəlir?