Filippililərə məktub 2:1—30
2 İndi ki Məsihlə vəhdətdə bir-birinizi ruhlandırır, bir-birinizə məhəbbətlə təsəlli verir, aranızda dostluq, mehribançılıq, şəfqət var,
2 sevincim bütöv olsun deyə, həmfikir olun, aranızda qarşılıqlı məhəbbət olsun, can bir qəlbdə*, yekdil olun.+
3 Hikkə ilə+, təkəbbürlə+ heç nə etməyin. Əksinə, təvazökar olub başqalarını özünüzdən üstün sayın.+
4 Təkcə özünüzü fikirləşməyin,+ başqalarını da fikirləşin.+
5 Məsih İsa kimi düşünün.+
6 O, Allahın simasında olsa da,+ Onun mövqeyini ələ keçirib Allaha bərabər olmaq fikrini belə aǧlına gətirmədi.+
7 Əksinə, o özünü hər şeydən məhrum etdi və qul surətini qəbul edib+ insan oldu.+
8 Üstəlik, o, yer üzünə insan kimi gələndə özünü aşağı tutdu və ölümədək+ — işgəncə dirəyi*+ üzərində ölənədək itaətkar qaldı.
9 Buna görə də Allah onu daha yüksək mövqeyə ucaltdı+ və ona bütün adlardan üstün bir ad bəxş etdi+ ki,
10 göydə, yerdə və yerin altında olanların hamısı İsanın adı qarşısında diz çöksün,+
11 hər dil İsa Məsihin Ağa olduğunu açıq-aşkar etiraf etsin+ və Atamız Allah şərəflənsin.
12 Mənim əzizlərim, həmişə itaətkar olduğunuz kimi (siz təkcə mən yanınızda olanda yox, indi yanınızda olmadığım bir vaxtda daha da canla-başla itaət edirsiniz), bundan sonra da qorxu və ehtiramla xilasa yetişməyə çalışın.
13 Axı Allah sizi qüvvətləndirir. O, qəlbinizdə həm arzu oyadır, həm də fəaliyyət göstərməyiniz üçün sizə güc verir, çünki bu Ona xoşdur.
14 Hər şeyi şikayətsiz+ və mübahisəsiz+ edin ki,
15 həyat sözündən ikiəlli yapışıb+ nur kimi parladığınız+ bu dünyada, bu pozğun və əxlaqsız nəslin+ içində ləkəsiz və məsum olub Allahın qüsursuz övladları+ olasınız.
16 O zaman bu yolda əbəs yerə qaçmadığımı və hədər yerə əlləşmədiyimi bilərək Məsihin günündə sevinə biləcəyəm.
17 İmandan irəli gələrək təqdim etdiyiniz qurbanın+ və müqəddəs xidmətin üzərinə şərab təqdiməsi+ kimi tökülməyimə baxmayaraq, mən çox şadam və sizinlə birlikdə sevinirəm.
18 Siz də mənimlə bahəm sevinib-şadlanın.
19 Əgər Ağamız İsa məsləhət bilərsə, ümid edirəm, tezliklə Timutini+ yanınıza göndərəcəyəm ki, sizdən xəbər tutub ruhlanım.
20 Axı onun kimi can-dildən sizin qeydinizə qalacaq başqa heç kimim yoxdur.
21 Başqaları Məsih İsanın yox, öz mənafelərini düşünürlər.
22 Amma siz Timutinin necə ad qazandığını yaxşı bilirsiniz: o, atası ilə bərabər nökərçilik edən uşaq kimi,+ müjdənin vüsət almasında mənimlə birlikdə canla-başla xidmət edib.
23 Buna görə də aqibətim məlum olan kimi məhz onu göndərəcəyimə ümid edirəm.
24 Həmçinin inanıram ki, Ağa məsləhət bilsə, özüm də tezliklə yanınıza gələcəyəm.+
25 Hələlik isə mənə xidmət etmək üçün göndərdiyiniz qardaşım, əməkdaşım və silahdaşım Epafroditi sizə geri göndərməyi lazım bilirəm.+
26 Çünki o, sizi yaman çox görmək istəyir və onun xəstə olduğundan xəbər tutduğunuz üçün bərk məyus olub.
27 O, doğrudan da, xəstələnmişdi, lap ölüm ayağında idi. Lakin Allahın ona yazığı gəldi, özü də tək ona yox, mənə də, yoxsa dərdimin üstünə dərd gələcəkdi.
28 Buna görə də onu təcili yanınıza göndərmək istəyirəm ki, onu yenidən görüb sevinəsiniz, mənim də nigarançılığım azalsın.
29 Beləliklə, onu Ağanın xidmətçilərini qarşıladığınız kimi, gülərüzlə qarşılayın və belə adamların qədrini bilin.+
30 Çünki o, Məsihin işi* uğrunda özünü təhlükəyə ataraq ölümlə üz-üzə durdu və sizin yoxluğunuzu hiss etdirməmək üçün sizin əvəzinizə mənə xidmət etdi.+
