Avstraliyada doqquz Yehovanın Şahidinə immiqrantların saxlanıldığı ən böyük həbsxanalardan birində saxlanılan şəxslərə göstərdikləri «əvəzsiz xidmətə» görə Derbi şəhəri (Qərbi Avstraliya) yaxınlığında yerləşən Kartin adına İmmiqrantların Saxlanma Mərkəzi tərəfindən təşəkkürnamə verildi a.

Hər həftə Yehovanın Şahidləri onlara baş çəkir, onların həyat hekayələrini dinləyir və Müqəddəs Kitabdakı təsəlli və ümid xəbərini paylaşırlar. Dini və mədəni əlaqələr üzrə məsul şəxs Kristofer Ridok deyir: «Onların bu ziyarətləri qısa vaxt ərzində öz müsbət təsirini göstərir». O bildirmişdi ki, bu adamlar gəlib-gedəndən sonra saxlanılan şəxslərin üzü gülür, eyni açılır. Çünki onlar «kənardan kimlərinsə onların rifahını düşündüyünü görürlər».

Kristofer Ridok onu da qeyd etdi ki, Yehovanın Şahidlərinə verilən təşəkkürnamə «himayəmiz altında olan insanların həyatını yaxşılığa doğru dəyişdikləri üçün» onlara olan minnətdarlığımızın kiçik təzahürüdür. O əlavə etdi ki, Yehovanın Şahidlərinin bu xeyirxah əməli onların «ailələri, yığıncaqları və ibadətləri barədə» insanda xoş təəssürat oyadır.