Rəhbərlik Şurasının Nəşriyyat komitəsinin köməkçisi Harold Korken «Bacardığını et» adlı məruzəni söyləyir. İşçiləri ruhlandırmaq üçün natiqlər mütəmadi olaraq Uorvikə gəlirlər.

Qışda işçilər işləyə bilsinlər deyə, bina ağ brezentlə örtülüb. Binanın bu hissəsində yemək otağı, hospis, mətbəx və camaşırxana olacaq.

Elektriklər kabelləri quraşdırmağa hazırlaşırlar. Yaşayış binalarına indiyə qədər 12000 metrdən çox kabel sərf olunub. Uorvikdə elektrik işləri əmlak alınandan qısa müddət sonra başlanıb və layihə tamamlanana qədər davam edəcək.

Eyvan su keçirməsin deyə, işçi onu yapışqan lentlə örtür. Yuxarı mərtəbədəki eyvanlar polimetil metakrilat (PMMA) ilə örtülür. Bu sukeçirməz membran örtük maye kimi asanlıqla çəkilir.

Elektrik briqadasında işləyən ata ilə qızı yaşayış binaları üçün kabel çəkirlər.

İşçilər müvəqqəti yemək otağında nahar edirlər. Burada hər gün 2000-dən çox adam yemək yeyir.

Tikinti briqadası təmir sexinin bünövrəsi üçün armatur tor hörür.

Tikintidə işləyənlərə uşaqlar tərəfindən yazılan minnətdarlıq məktubları. Bir çox könüllülər burada qısa müddət ərzində işləyir. Hər həftə təxminən 500 yeni işçi gəlir. Fevral ayında Uorvikdə hər gün 2500-ə yaxın işçi işləyirdi.

İşin 60 faizi artıq görülüb. 2015-ci ilin yanvar — aprel aylarında yaşayış binaları tikilib, ofislərin və xidmət binasının isə dəmir konstruksiyaları yığılıb qurtarıb. Eyni vaxtda təmir sexinin üstünə beton panellər qoyulub, yaşayış binaları arasında yol salınıb, Sterlinq forest leyk (Blu leyk) gölünün isə bəndi bərpa edilib.

Pilləkən qəfəsinin aşağı hissəsindən görüntü. Podratçılar beş mərtəbəli bu binanın taxta qəliblərini düzəldiblər, Yehovanın Şahidlərindən ibarət könüllülər isə onu betonla doldurublar.

Şaxtalı havada tikinti briqadası birinci mərtəbənin tikilməsi üçün armatur tor hörürlər. Yanvar — mart aylarında Uorvikdə qarın hündürlüyü təxminən 127 santimetr olmuşdu. Qar təmizləyən briqada iş gedən ərazini qardan təmizləyirdi. İşçilər qızdırıcı aparatların ətrafında isinirdilər.

Metal dam örtüyü dəmir konstruksiyaya bərkidilir. Aprel ayının sonunda yaşayış binalarının çoxunun qoşaçatılı damları tamamlandı. Sonuncu dam örtüyü isə iyun ayının ortalarında B yaşayış binasına vuruldu.

Qülləli krandan B yaşayış binasına açılan mənzərə.

Santexnik ustaları sakinlər üçün maşın dayanacağında çertyojları nəzərdən keçirirlər. Bütün proyekti tamamlamaq üçün 3400-dən çox çertyoj lazımdır.

Binanı qorumaq üçün işçilər qaldırıcı kranın köməyi ilə brezent vururlar. Kranlardan və digər avadanlıqdan düzgün istifadə etmək üçün xeyli təlim keçirilir. Bu təlimlərə qaldırıcı kranlardan, qayçılı platformalardan, qoruyucu kəmərlərdən, resperatordan istifadə etmək, yükü krana düzgün yükləyib işarələrlə yönəltmək dərsləri və ümumi tanışlıq proqramı daxildir.

Yaşayış binalarına açılan mənzərə. Bu şəkildə görünən A, B və D yaşayış binalarında mexanika və elektrik sistemləri qoşulur. C yaşayış binasında isə (şəkildə görünmür) alçıpan, kafel və kosmetika işləri başlanıb.

İki işçi qaldırıcı kranın köməyi ilə divarın çöl səthinə nəmişliyi içəri buraxmayan hava baryeri çəkirlər. Hər yaşayış binasına bu baryeri çəkmək üçün təxminən iki ay lazımdır.

Bənnalar qranit divar hörürlər. Binanın bu hissəsində anbar və müxtəlif xidmətlər göstərən digər şöbələr yerləşəcək.

Muzdla tutulmuş dalğıc Blu leykdə köhnə ventili təzəsi ilə əvəz edir. Ventili fırlatmaqla suyun səviyyəsini azaltmaq olur. Bunun sayəsində qasırğa olsa belə, ətraf ərazini su basmır.