SƆ̃ƆSIRU 2
Wara sãa Gusunɔ?
1. Mban sɔ̃na n weenɛ su Gusunɔ sã?
Gusunɔ geowa gãanu kpuron Taka Kowo. U ǹ tore mɔ, u ǹ koo n maa nɔru mɔ, pai. (Womu 90:2) U sãawa labaari gea ni nu wãa Bibeli sɔɔn Nuuru. (1 Timɔte 1:11) Yen sɔ̃ Gusunɔwa u sun wãaru kã, n weenɛ su wi sã, wi tɔna.—A Kãsiru 4:11 gario.
2. Amɔsunwa Gusunɔ sãa?
Tɔnu goo ku n Gusunɔ waare domi u sãawa hunde, ya sɔ̃ɔsimɔ ma win wasi hundegii ya wɛsi yi yu wãa temɔ kere. (Yohanu 1:18; 4:24) Ka mɛ, sa ko kpĩ su Gusunɔn daa tubu saa gãa ni u kuan di. Wee dãa binu yiri yiri ka biibiiba bwese bweseka yi sun win kĩru ka win bwisi sɔ̃ɔsimɔ. Handunian kpãaru ta maa win dam sɔ̃ɔsimɔ.—A Romu 1:20 gario.
Bɛsɛn yɛ̃ru Gusunɔn daa sɔɔ ta koo maa kpɛ̃a sà n Bibeli garimɔ. Nge weenasia, ya sun sɔ̃ɔmɔ ye Gusunɔ u kĩ, ka ye u ǹ kĩ, mɛsum u ra ka tɔmbu suesinɛ, ka mɛsum u ra ko wunanɔsu bwese bweseka sɔɔ.—A Womu 103:7-10 gario.
3. Gusunɔ u yĩsiru mɔ ro?
Yesu nɛɛ: “Bɛsɛn Tundo wi u wãa wɔllɔ, a de wunɛn yĩsiru tu dɛɛra.” (Mateu 6:9, NW) Baa ye mɛsum ba ka Gusunɔ sokumɔ ya dabi, yĩsi teeru dege degewa u mɔ. Mɛsum ba ra te soku barum baamɛre sɔɔ ya ra kɔsi. Ka Baatɔnum ba ra nɛɛ: “Yehofa.” Adama gabu ba ra nɛɛ: “Yahweh.” A Womu 83:18, NW gario.
Ba Gusunɔn yĩsiru wĩa Bibeli dabinu sɔɔn di, ma ba te kɔsa ka Yinni n kun mɛ Gusunɔwa. Adama sanam mɛ ba Bibeli yorua Gusunɔn yĩsira wãawa ye sɔɔ nge nɔn nɔrɔbun suba nɔba yirun (7 000) saka. Yesu u Gusunɔn yĩsiru giasia sanam mɛ u tɔmbu keu sɔ̃ɔsi Gusunɔ sɔɔ.—A Yohanu 17:26 gario.
A fideo ye ba mɔ̀ Gusunɔ u yĩsiru mɔ ro? mɛɛrio
4. Yehofa u ra sun nɔɔri ro?
Nge tundo kĩrugii wini, Gusunɔ u sɔmburu mɔ̀ bɛsɛn sian bwɛ̃ɛ doran sɔ̃
Nɔni swãanu ni nu yiba, nu sɔ̃ɔsimɔ ma Yehofa u sãawa Gusunɔ wi u ku ra sun nɔɔri ro? Gabu ba ra nɛɛ u ra sun wahala doke u ka bɛsɛn laakari mɛɛri, adama weesa.—A Yakɔbu 1:13 gario.
Gusunɔ u tɔnu bɛɛrɛ kã u n tii mɔ u ko ye u kĩ. Sa ǹ siare ye u ka sun deri su ka tii sua su ka wi sã ro? (Yosue 24:15) Adama tɔn dabinu ba ra tii mɔɔ te loo ko bu ka turobu kɔ̃sa kua, yen sɔ̃na wahala ya kpɛ̃a. Yehofan gɔ̃ru ga ra sankire u n taki ni n bwesenu waamɔ.—A Torubu 6:5, 6 gario.
Yehofa sãawa Gusunɔ wi u ra sun nɔɔri. U ra kã su wãarun dobu nɔ. N sosi u koo nɔni swãaru ka ben min di ta wee, kpeesia. Saa ye yu sere na, u gem mɔ u ka wahala deri. Sɔ̃ɔsiru 8 sɔɔ sa ko gem mɛ mɛɛri.—A 2 Piɛɛ 2:9; 3:7, 13 gario.
5. Amɔsunwa sa ko kpĩ su ka maa Gusunɔ susi?
Yehofa u sun soku su nùn susi, sà n wi gari sɔ̃ɔmɔ bɛsɛn kananu sɔɔ. U bɛsɛn baaweren laakari mɔ. (Womu 65:3; 145:18) U maa sɔɔru sãa u ka durum wɔka. U bɛsɛn haniaba yɛ̃ ye sa mɔ̀ su ka nùn wɛ̃re, baa sà n da gasɔ sokure. Baa sà n sãa durumgibu, sa ko kpĩ su ka Gusunɔ gbinna ka gem.—A Womu 103:12-14; Yakɔbu 4:8 gario.
Domi Yehofawa u sun wãaru kã, n weenɛ su wi kĩa ka kĩru te ta baaweren kĩru kere. (Maaku 12:30) Sanam mɛ a Gusunɔ wunɛn kĩru sɔ̃ɔsimɔ saa gãa dabinu ye a mɛɛrimɔ wi sɔɔ, a n maa mɔ̀ ye u bikia, kaa maa wi susi a sosi.—A 1 Timɔte 2:4; 1 Yohanu 5:3 gario.
