Mɛɛn surun sɔ̃ɔ 19 wɔ̃ɔ 2022 sɔɔ, yigbɛ te ba mɔ̀ Conseil de Sécurité des Nations Unies ya nua tɔn gisɔnko 75 ka sɔndirun nɔɔn di ma “dia nì nu gobi sosimɔ handunia gira kpuro sɔɔ, bara gɔbu tè ba mɔ̀ COVID-19 ka yam mɛ mu kɔsimɔn sɔ̃, ya ka gɔ̃ɔ bakaru wee handunia gira kpuro sɔɔ a man de ka taa bi ba mɔ̀ Ukɛrɛniɔ tɛ̃.” Yen biru, ya ǹ tɛ tire te ba mɔ̀ The Economist ya gerua ya nɛ “tabu bu handunia ye ya raa dam bie bɔriyamɔ gɔ̃ɔ bakaru sɔɔ.” Bibeli ya raa gerua ma dĩa gɔ̃ɔ ten bwesera koo na bɛsɛn waati sɔɔ, ya maa sun somiru kɛ̃mɔ su ka te kamia.

•   Yesu u raa gerua u nɛɛ: “Bwesenu koo sesina nu tabu ko, sinamba koo tabu seesina. Gɔ̃ɔru ka tem yĩiribu ko n wãa bera ka bera.”—Mateu 24:7.

•   Bibeli ya maasɔbu nnɛn gari kua Kãsirun tireru sɔɔ. Maasɔ ben turon tubusiana tabu. Wi u wi swĩi wia gɔ̃ɔru, win saa sɔɔ dianu nu koo sɛ̃sia kpa nu gobi yɔ. “Na mɛɛra ma na dum wɔ̃ka wa. Wi u ye sɔni u tongoro nɛni win nɔmaɔ. Ma na nɔɔ gagu nua . . . Ga nɛɛ, alikama kilo tian geera sãa sɔ̃ɔ terun sɔmburun gobi. Mɛya maa ɔɔsu kilo tian geera nɛ.”—Kãsiru 6:5, 6.

 Dĩa gɔ̃ɔrun gari yi Bebeli ya raa nɔɔsia yi yibiaramɔ saa yeni sɔɔ ye Bibeli ya sokumɔ “sanam dãakim.” (2 Timɔte 3:1) À n kĩ a yɛ̃ru sosi “sanam dãakim” ka kãsirun maasɔbu nnɛ yen gari sɔɔ, a fideo ye ba mɔ̀ Le monde a changé depuis 1914 mɛɛrio kpa a sɔ̃ɔsi te ba mɔ̀ “Les cavaliers de l’Apocalypse: qui sont-ils?” gari.

•   Bibeli ya bwisi kɛ̃nu mɔ ni nu koo kpĩ nu sun somi wahalaban saa sɔɔ a man de saa yeni sɔɔ ye dĩana gobi sosimɔ ma nu biare. A bwisi kɛ̃ nin ganu mɛrio sɔ̃ɔsi te ba mɔ̀ “Comment vivre avec moins” sɔɔ.

•   Bibeli ya maa sun yĩiyɔbu kɛ̃mɔ ma gãanu kpuro koo ra wɛ̃ra. Ya maa nɔɔ mwɛɛru kua ma saa fiiko sɔɔ, ‘alikama koo marura tem sɔɔ ka guunɔ’ kpa baawure u n deburu mɔ (Womusu 72:16). A n kĩ a yɛ̃ru sosi yĩiyɔ bì Bibeli ya wɛ̃ɛmɔ sia sɔɔ ka dariri yèn sɔ̃ kaa kpĩ a ye naanɛ ko, a sɔ̃ɔsi te ba mɔ̀ “Une espérance réelle pour des jours meilleurs” gario.