Benar manang Salah

1.   Molo godang donganmuna, pasti dang kesepian be hamu.

2.   Molo adong media sosialmuna, pasti dang kesepian be hamu.

3.   Molo sering hamu chatting dohot donganmuna, pasti dang kesepian be hamu.

4.   Molo jotjot dibahen hamu na denggan tu halak na asing, pasti dang kesepian be hamu.

 Boasa?

•   Nang pe godang donganmuna, dang jaminan i gabe mambahen hamu dang kesepian.

   “Parduli do au tu akka donganku, alai sipata molo hupikkiri dang parduli nasida tu au. Jadi nang pe godang donganta, boi do tong hita merasa kesepian molo dang adong sian nasida na holong rohana tu hita, apalagi molo taida hira na so butuh do nasida tu hita.”​—Si Anne.

•   Nang pe aktif hamu di media sosial, dang gabe jaminan hamu gabe dang kesepian.

   “Adong do halak na mangalului dongan sagodang ni godangna dos songon na mambahen koleksi mainan. Alai tung sajabu pe godang ni mainanna i, dang boi i makkaholongi ibana. Jadi tung godang pe donganmuna di media sosial, alai molo dang dihaholongi nasida do hamu manang dang parduli nasida tu hamu, dos do i songon koleksi mainan i.”​—Si Elaine.

•   Nang pe jotjot hamu chatting dohot akka donganmuna, alai dang jaminan i gabe mambahen hamu dang kesepian.

   “Sipata tikki merasa kesepian hamu, gabe jotjot do diida hamu handphonemuna, alana berharap hamu adong donganmuna na mangirim pesan tu hamu. Alai tikki merasa kesepian i hamu, dang adong nanggo sada pe sian donganmuna i na makkirim pesan tu hamu. Alani i, gabe tamba lungun ma rohamuna!”—Si Serena.

•   Nang pe dibahen hamu akka na denggan tu na asing, alai dang gabe jaminan i mambahen dang kesepian.

   “Sai berupaya do au asa burju tu akka donganku, alai dang hea dibalos nasida haburjuokki. Memang dang menyesal au ala burju tu nasida. Alai hira adong do hurasa na hurang, boasa dang hea dibalos nasida haburjuokki.”—Si Richard.

 Intina: Sian sude akka pengalaman nakkin, boi ma tasimpulhon molo rasa kesepian i ro sian pikkiranta sandiri do. Si Jeanette, sahalak borua na poso mandok, “Kesepian i ro sian pikkiran ni sasahalak do, dang alani pengaruh sian luar.”

 Aha do na boi diulahon hamu molo merasa hamu dang adong donganmuna jala kesepian?

Ikkon percaya diri do hamu.

 “Molo dang percaya diri hita, boi do i mambahen hita gabe merasa kesepian. Jala molo dang percaya diri hita, boi do i mambahen hita gabe maol mangalului dongan. Jala gabe merasa hita dang pantas gabe dongan ni halak na asing.”​—Si Jeanette.

 Na didok Bibel: “Ikkon haholonganmu do donganmu jolma doshon dirim.” (Galatia 5:14) Jadi asa boi denggan hubunganta tu na asing, ikkon tahaholongi do nasida songon hita makkaholongi diritta. Alai unang ma taanggap diritta na uppetting sian nasida.​—Galatia 6:3, 4.

Unang holan hahurangatta sandiri na tapikkirhon.

 “Rasa kesepian i dos do i songon lumpur hidup. Molo masuk hita tu lumpur hidup jala godang hita bergerak, gabe lam maol ma hita kaluar sian bagas. Suang songon i ma, molo sai holan hahurangatta do na tapikkirhon, gabe susa ma halak lao mardongan tu hita. Alani i gabe lam merasa kesepian ma hita.”​—Si Erin.

 Na didok Bibel: “Halak na marholong ni roha i . . . dang holan dirina sandiri na dipikkirhon.” (1 Korint 13:4, 5) Molo holan hahurangatta sandiri do na tapikkirhon, gabe dang tapikkirhon be akka na porlu di halak na asing jala gabe dang parduli be hita tu nasida. Alani i gabe dang lomo be roha ni akka donganta mangida hita. (2 Korint 12:15) Songon on ma carana mangatasi: Molo sikap ni halak na asing tu hamu do na gabe tolak ukurmuna asa boi mandapot dongan, dang boi hamu marhasil! Molo didok hamu do songon on “Dang adong na olo manelepon au” jala “Dang adong na olo mangundang au” sarupa ma i songon na bergantung tu halak na asing ma dibahen hamu kebahagianmuna.

Hati-hati ma hamu mamillit ise na lao gabe donganmuna.

 “Biasana butuh perhatian do halak na merasa kesepian. Alani i biasana dang parduli ibana ise pe taho na mangalehon perhatian tu ibana. Hape adong do halak na pura-pura parduli jala dimanfaatton ma ibana. Ujungna gabe tetap ma ibana merasa kesepian.”—Si Brianne.

 Na didok Bibel: “Gabe marbisuk do manang ise na mardongan tu halak na marbisuk, alai gabe marjea do manang ise pe na mardongan tu halak na oto.” (Poda 13:20) Tikki male sasahalak, pasti olo do ibana mangallang sipanganon manang aha pe. Dos songon i ma molo adong sasahalak na butuh dongan, pasti olo do ibana mardongan manang tu ise pe jala gabe mura ma ibana dimanfaatton. Jala molo dibahen pe tu ibana songon i, didok rohana hal na wajar do i, na penting asal ma adong donganna.

 Kesimpulan: Pasti sude do halak hea merasa kesepian, alai dang sarupa sude rasa kesepian na dihilala ganup halak. Nang pe rasa kesepian i boi mambahen hancur perasaan ni sasahalak, alai sebenarna bergantung cara berpikirta do i. Ai mampu do sebenarna hita mengendalihon perasaanta.

 Ikkon masuk akkal do pandanganta tu halak na asing. Si Jeanette, na dipaboa sebelumna mandok, “Dang sude halak boi tabahen gabe donganta salelengna. Alai boi do hita mandapot dongan na benar-benar parduli tu hita. Jala holan dongan na benar-benar parduli tu hita do na boi mambahen hita dang merasa kesepian.”

 Porlu do godang bantuan? Jaha ma “ Carana Asa Unang Negatif Pikkiranta tu Dongan”. Jala download ma PDF “Mengatasi Rasa Kesepian”.