Tikki marjamita Jesus, dipaboa ibana ma cerita taringot bawa na mora dohot si Lasarus. (Lukas 16:19-31) Cerita on manggombarhon dua kelompok ni akka halak: (1) akka pamimpin agama Jahudi na ginjang rohana di tikki ni Jesus (2) akka halak na dianggap rendah alai rade mangoloi hata ni Jesus.

Dibahas ma di artikel on

•  Aha do na didok Jesus taringot bawa na mora dohot si Lasarus i?

•  Tutu do terjadi cerita on?

•  Tutu do cerita on membuktihon na memang adong api narokko?

•  Aha do lapatan ni cerita ni Jesus taringot bawa na mora dohot si Lasarus i?

 Di Lukas 16, diceritahon Jesus do na lao berubah situasi ni bawa na mora i dohot si Lasarus.

 Songon on ma ringkasan ni cerita i: Adong ma sahalak bawa na mora jala na mewah ngoluna. Adong ma sahalak pangido-ido di pintu ni gerbangna, goarna si Lasarus. Berharap do ibana adong madabu sipanganon sian meja ni bawa na mora i. Di pudian ni ari mate ma si Lasarus jala diboan suru-suruan ma ibana tu labbung ni si Abraham. Dung i mate ma halak na mora i jala dikuburhon ma ibana. Di cerita i dipatudu do sadar dope nasida nang pe nungnga mate. Bawa na mora i disiksa do di api na marsigorgor. Dipangido ibana ma tu si Abraham asa disuru si Lasarus mandaisson ujung ni jari-jarina tu aek jala ditetesson tu dila ni bawa na mora i. Dang olo si Abraham mangulahon na didok bawa na mora i. Didokkon ibana ma tu bawa na mora i molo situasi ni nasida nungnga berubah be, jala adong lobbang na massai bagas na manirang nasida jala na so boi dilewati manang ise pe.

 Daong. Perumpamaan on dipakke Jesus lao paboahon parsiajaran na penting tu akka halak. Jala diakkui akka pakar do molo cerita on sada perumpamaan. Misalna, di Luther Bible edisi taon 1912 adong do sada subjudul na patuduhon molo cerita on sada perumpamaan. Jala di Katolik Jerusalem Bible adong do dipaboa di surat na di toru molo cerita on i ma “sada perumpamaan na dibahen dalam bentuk cerita na so merujuk tu tokoh sejarah na dia pe”.

 Na diajarhon Jesus do sian perumpamaan i adong na mangolu sian jolma molo dung mate nasida? Tutu do diajarhon Jesus na lao adong halak disiksa di api narokko molo dung mate nasida? Jala sian perumpamaan i, tutu do si Abraham dohot si Lasarus nungnga di surgo? Adong do piga-piga keterangan patuduhon na so tutu masa i.

 Contohna:

•   Molo marsigorgor do api di tempat penyiksaan ni bawa na mora i, pasti pittor koring do kan aek na di jari-jari ni si Lasarus i?

•   Seandaina ma dang koring aek i, masuk akkal do menurut hamu sattetek aek boi palambokkon daging ni bawa na mora na disiksa di api na marsigorgor i?

•   Sahat tu na dipaboa Jesus perumpamaan i, didok Jesus do dang adong dope halak na lao tu surgo. Jadi mungkin do si Abraham mangolu di surgo tikki dipaboa perumpamaan i?—Johannes 3:13.

 Daong. Alai nang pe cerita on dang benar-benar terjadi, adong do piga-piga halak mandok molo perumpamaan on manggombarhon halak na burju na lao tu surgo jala halak na jahat disiksa di api narokko. a

 Masuk akkal do pandapot ni akka jolma i? Daong.

 Dang sesuai ajaran api narokko tu ajaran ni Bibel taringot situasi ni halak naung mate. Misalna, dang adong didok di Bibel na lao mangolu di surgo sude halak na burju naung mate manang na lao disiksa di api narokko sude halak na jahat. Sebalikna didok do di Bibel, “Diboto halak na mangolu do na lao mate nasida. Alai anggo na mate, dang diboto agia aha.”—Parjamita 9:5.

 Cerita on patuduhon adong dua kelompok ni akka jolma jala na lao berubah do situasi ni nasida.

 Bawa na mora i manggombarhon pamimpin ni agama Jahudi, “holan hepeng do di roha ni nasida”. (Lukas 16:14) Dibege nasida do jamita ni Jesus, alai dang diulahon nasida i. Jala dianggap akka pamimpin agama on do rendah rakyat biasa.—Johannes 7:49.

 Si Lasarus manggombarhon akka rakyat biasa na mangulahon hata ni Jesus jala rendah do nasida dianggap akka pamimpin agama ni halak Jahudi.

 Na lao berubah ma situasi ni na dua kelompok i.

•   Dirippu pamimpin ni agama Jahudi do na las roha ni Debata mangida nasida, hape sebenarna dianggap Debata do nasida songon halak na mate. Ai nungnga ditolak Debata nasida jala dang dijalo ibadatna, ai dang olo nasida mangulahon hata ni Jesus. Jala barita na dipaboa Jesus dohot na dibaritahon akka siseanna i, dos ma i songon siksaan di nasida.—Mateus 23:29, 30; Ulaon ni Apostel 5:29-33.

•   Justru akka rakyat biasa na dianggap rendah i do na gabe dihalomohon roha ni Debata. Ai godang do sian nasida na olo manjalo barita na diajarhon Jesus jala mandapot laba do nasida sian barita i. Jala saonari dilehon Debata do kesempatan tu nasida lao mangolu saleleng ni lelengna.—Johannes 17:3.