Tikki marjamita Jesus di dolok, adong do sada aturan na didok ibana. Didok, “Sude na dihalomohon rohamuna bahenon ni halak tu hamu, ikkon songon i do bahenonmuna tu nasida.” (Mateus 7:12; Lukas 6:31)

•  Aha do lapatan ni aturan na didok Jesus i?

•  Boasa marguna i tu hita?

•  Holan taringot mangalehon dohot manjalo do maksud ni aturan i?

•  Ikkon songon dia do bahenotta tu halak na asing?

 Sian aturan na dibahen Jesus i gabe taboto ma, molo lomo rohatta bahenon ni halak na denggan tu hita, “ikkon songon i do bahenotta” tu nasida. (Lukas 6:31) Contohna, godangan halak olo pe mambahen na denggan tu halak na asing ala na diargai do ibana, dibahen na denggan, jala dihaholongi ibana.

 Marguna do aturan on di ngolutta. Contohna boi do . . .

•   Gabe marsihaholongan ma suami dohot istri.​—Epesus 5:28, 33.

•   Mangurupi natua-tua pagodang-godangkon ianakkon ni nasida.​—Epesus 6:4.

•   Mambahen denggan hubunganta tu dongan, tu tetangga, dohot tu dongan sakarejo.​—Poda 3:27, 28; Kolosse 3:13.

 Sarupa do prinsip na dibahen di aturan on songon na dipaboa di Perjanjian Lama. Taringot aturan na dibahen Jesus on didok ibana, “On do na nidok ni Patik [bukku 1 Musa sahat tu 5 Musa] dohot na Sinurat ni Akka Panurirang.” (Mateus 7:12) Jadi, Perjanjian Lama do na gabe dasar ni Jesus mambahen aturan i, i ma makkaholongi na asing.​—Rom 13:8-10.

 Daong. Memang, aturan na didok Jesus on, i ma taringot mangalehon. Alai tikki didok Jesus aturan on, maksudna dang holan tu halak na burju tu hita tabahen na denggan. Alai dohot do tu halak na marsogo ni roha tu hita. (Lukas 6:27-31, 35) Jadi, ikkon tu sude halak do tabahen na denggan.

1.  1. Mamparrohahon na asing. Parrohahon ma akka halak na adong di sakalilingmuna. Contohna, urupi ma molo adong sasahalak na boratan mamboan belanjana, ida ma molo adong tetanggamuna na marsahit, manang urupi ma molo adong dongan sakarejomuna na marsak. Molo ‘diparrohahon hamu na porlu di na asing’, sada kesempatan ma on di hamu lao mangurupi na asing.​—Pilippi 2:4.

2.  2. Parduli ma tu na asing. Bayakkon ma molo hamu di situasi ni sasahalak. Songon dia do pakkilalaanmuna? (Rom 12:15) Molo berupaya hamu mangattusi songon dia pakkilalaan ni halak na asing, gabe taronjar ma rohamuna lao mangurupi nasida.

3.  3. Sesuaihon ma. Ingot ma, dang sarupa situasi ni setiap halak. Aha na diulahon hamu tu sasahalak, mungkin asing do sian na diharappon ibana. Jadi, molo adong piga-piga na boi diulahon hamu, coba ma pillit na dia na paling dihaporluhon nasida.​—1 Korint 10:24.