Surat na Parjolo tu Huria na di Tessalonik 4:1-18
4 Nungnga dijalo hamu tudu-tudu sian hami taringot tu marpangalaho na pasonakkon roha ni Debata,+ jala nungnga diihutton hamu i. Saonari, hupangido jala huelek-elek hami ma hamu di bagasan goar ni Tuan Jesus, asa lam marsitutu hamu mangulahon i.
2 Ai diboto hamu do, marhite huaso ni Tuan Jesus do hulehon hami tudu-tudu* i.
3 Ai on do lomo ni roha ni Debata, ikkon badia do hamu+ jala pasiding hamu ma seks na so patut.*+
4 Ikkon sude do hamu mamboto songon dia mangarajai dagingna be,+ asa sangap hamu jala badia.+
5 Unang ma ihutton akka bangso na so mananda Debata,+ na so boi mangarajai hisap-hisap ni dagingna,+ jala na sai mangulahon i di ngoluna.
6 Unang ma adong na mambahen na so hasea tu donganna, na boi parohon jea. Ai hukumon ni Jahowa* do halak na mangulahon sisongon i, songon naung hupaboa jala hupaingot hami tu hamu.
7 Ai tu na badia+ do hita dijou Debata, dang tu ulaon na ramun.*
8 Alani i, manang ise na so manjalo poda on, dang jolma na so dijalo ibana disi, alai Debata+ na mangalehon tondi parbadia i do.+
9 Taringot tu na makkaholongi dongan sahaporseaon,+ dang adong be na porlu husurat hami tu hamu. Ai nungnga diajari Debata hamu asa marsihaholongan.+
10 Nungnga diulahon hamu songon i tu sude dongan na di Makedonia. Alai hujujui hami ma hamu akka dongan, asa lam marsitutu hamu mangulahon i.
11 Songon naung hupodahon hami tu hamu, marsitutu ma hamu toktong mardame dohot na asing,+ unang ma attoi urusan ni na asing,+ jala ringgas ma hamu karejo.+
12 Molo diulahon hamu songon i, dang hurangan manang aha be hamu. Jala idaon ni halak ma pangalahomuna na denggan i.+
13 Asing ni i akka dongan, lomo do rohanami asa diattusi* hamu taringot tu halak naung mate.*+ Lomo do rohanami asa unang songon arsak ni halak na so marpos ni roha tu janji ni Debata+ arsak ni rohamuna.
14 Molo porsea hita naung mate Jesus jala mulak mangolu muse,+ porsea ma nang hita, na lao dibahen Debata mulak mangolu akka halak naung mate na marsada dohot Jesus.+ Porsea do hita na lao dipahehe do nasida asa rap dohot ibana.
15 Songon hata ni Jahowa,* hupaboa hami ma tu hamu, taringot tu akka donganta na mangolu dope sahat tu haroro ni Tuan i, boanonna do tu surgo. Alai parjolo do paheheonna halak na parjolo mate i sian hita.
16 Ai turun ma Tuan i sian surgo mardongan soara na gogo. Tarbege ma soara ni pamimpin ni suru-suruan i,+ dohot soara ni tarompet ni Debata. Hehe ma parjolo halak naung mate na marsada dohot Kristus.+
17 Dung i boanonna ma hita akka na mangolu dope, rap dohot nasida di bagasan ombun+ lao pajuppang dohot Tuan i+ di langit. Gabe toktong ma hita rap dohot Tuan i.+
18 Alani i, patogu hamu ma roha ni halak na asing marhite akka hata on.
Surat na di toru
^ Manang “paretta”.
^ Ida Lampiran A5.
^ As. “modom di hamatean”.
^ Manang “lomo do rohanami paboahon tu”.
^ Ida Lampiran A5.
