Poda 4:1-27
4 Ale anakku, tangihon ma na diajarhon sahalak ama,+Parrohahon ma i asa manat ho marpikkir,
2 Ai na denggan do hupodahon tu ho,Jadi ingot ma na huajarhon i.+
3 Anak na burju do au di bapakku+Jala au do anak hasian ni omakku.+
4 Dipodai ibana do au jala didok, “Sai anggiat ma toktong disippan ho hatakki di roham.+
Sai oloi ma parettakku asa mangolu ho.+
5 Marsitutu ma ho asa marbisuk jala asa manat ho marpikkir.+
Unang ma lupahon hatakki jala unang ma manirpang ho sian na hudok i.
6 Unang ma tinggalhon i, asa i na manjaga ho.
Haholongi ma i, asa dijaga ho.
7 Marsitutu ma ho asa marbisuk,+ ai i do na upporlu sian saluhutna,Alai tamba ni i, marsitutu ma asa manat ho marpikkir.+
8 Argai ma i asa sangap ho.+
Ihutton ma i asa dipasangap ho.+
9 Gabe perhiasan na bagak ma i di ulum,Jala gabe mahkota na uli ma i di ho.”
10 Ale anakku, tangihon jala oloi ma hatakku,Asa ganjang umurmu.+
11 Huajar-ajari pe ho asa marbisuk,+Jala hutogu-togu pe ho asa tigor marroha.+
12 Tikki mardalan ho, dang adong na mangabbati lakkam,Jala tikki marlojong ho, dang adong na mambahen ho tartuktuk.
13 Toktong ma ingot akka naung diparsiajari ho, unang ma palua i.+
Jaga ma i, ai hangoluan do i di ho.+
14 Unang ma masuk ho tu dalan ni parjahat,Jala unang ma mardalan ho di dalan ni halak na jahat.+
15 Mandao ma ho sian i, unang ihutton i,+Tinggalhon ma i jala torusson ma lakkam.+
16 Ai dang boi nasida modom molo dang diulahon nasida na jahat.
Jala dang mondok-ondok nasida molo dang susa halak dibahen.
17 Ai dos songon roti do di nasida akka na jahat,Jala dos songon anggur do di nasida akka na kejam.
18 Songon mataniari bissar do dalan ni halak na tigor marroha*Na lam tiur sahat tu tonga ari.+
19 Dos songon na holom do dalan ni parjahat,Dang diboto nasida aha na mambahen nasida tartuktuk.
20 Ale anakku, parrohahon ma hatakku,Manat ma tangihon* na hudok on.
21 Unang ma lupahon i,Sippan ma i di bagasan roham,+
22 Ai hangoluan do i di akka halak na mamparrohahon i+Jala gabe sehat do pamatang ni nasida alani i.
23 Sian sude na ikkon jagaonmu, jaga ma roham,+Ai sian i do ro hangoluan.
24 Padao ma dirim sian hata na so tutu,+Jala padao ma dirim sian hata na mangoto-otoi.
25 Tigor ma ho mamereng tu jolo,Jala torus ma tatap dalanmu.+
26 Bolokkon ma akka na mangabbati* dalanmu,+Asa hot akka lakkam.
27 Unang ma manirpang ho tu kanan manang tu kiri.+
Mandao ma ho sian na jahat.
