Psalmen 32:1-11
Sian si Daud. Maskil.*
32 Marlas ni roha ma halak na disalpuhon hasalaanna, na disesa* dosana.+
2 Marlas ni roha ma halak na didok Jahowa dang marsala,+Jala na so olo mangoto-otoi.
3 Tikki hutabunihon dosakku, gabe gale do au ala torus morong-orong.+
4 Didondoni tanganmu+ na borat i* do au arian nang borngin,
Suda do gogokku songon aek na koring tikki musim panas. (Sela)
5 Alani i, huakkui ma dosakku tu Ho.Dang hutabunihon be hasalaakku.+
Hudok ma, “Huakkui ma salakku tu Jahowa.”+
Dung i disalpuhon Ho ma dosakku dohot hasalaakku.+ (Sela)
6 Alani i ma martangiang sude halak na setia tu Ho+Ala boi dope nasida mandapotton Ho.+
Jala dang na lao masa tu nasida godang hasusaan na dos songon banjir.
7 Ho do inganan partabunian di au,Paluaonmu do au sian hasusaakku.+
Bahenonmu do au jongjong di tonga-tonga ni akka halak na marlas ni roha ala dipalua Ho au.+ (Sela)
8 Didok Ho do, “Bahenokku ma ho marbisuk jala paboaokku ma tu ho dalan na ikkon sidalananmu.+
Lehonokku ma poda tu ho jala parrohahonokku do ho.+
9 Unang ma gabe dos ho songon hoda manang halode* na oto,+Na ikkon aturon mamakke kokkang manang taliDukkon i pe asa dioloi ho.”
10 Godang do hasusaan ni halak na jahat,Alai manang ise na marpos ni roha tu Jahowa, patuduhononna do holong ni rohana* tu nasida lao manjaga nasida.+
11 Hamu akka halak na mangulahon na sittong, marlas ni roha situtu ma hamu alani Jahowa.Hamu sude halak na tigor marroha, marsurak ma hamu alani las ni rohamuna.
Surat na di toru
^ Manang “na dilupahon”.
^ Manang “Didondoni sogo ni roham”.
^ Di bahasa Heber, binatang on i ma hasil perkawinan ni halode jantan dohot hoda boru-boru.
