Psalmen 34:1-22
Ende ni si Daud. Tikki i, dibahen ibana do dirina songon na rittik+ di jolo ni si Abimelek. Dung i dipalao ma ibana.
א [Alef]
34 Toktong do pujiokku Jahowa.Dang marna so au mamuji Ibana.
ב [Bet]
2 Pujiokku ma Jahowa,+Begeon ni halak na lambok roha ma i jala marlas ni roha ma nasida.
ג [Gimel]
3 Rap ma hamu dohot au pasangappon Jahowa.+Rap ma hita pasangappon goarna.
ד [Dalet]
4 Martangiang ma au tu Jahowa, dung i dialusi Ibana ma au.+
Dipalua Ibana do au sian sude na mambahen au mabiar.+
ה [He]
5 Marlas ni roha do manang ise na marhaposan tu Ibana,Dang na lao dipaila nasida.
ז [Zayin]
6 Jou-jou do halak na dangol on, dung i ditangihon Jahowa ma ibana.
Dipalua do ibana sian sude hasusaanna.+
ח [Het]
7 Markemah do suru-suruan ni Jahowa di sakaliling ni akka halak na makkabiari Ibana,+Jala dipalua Ibana do nasida.+
ט [Tet]
8 Uji* jala ida ma na burju do Jahowa.+Marlas ni roha do manang ise na marlinggom tu Ibana.
י [Yod]
9 Hamu sude naposona na badia, habiari ma Jahowa,Ai dang hurangan manang aha halak na makkabiari Ibana.+
כ [Kaf]
10 Haru singa na gogo pe boi do male,Alai dang hurangan manang aha akka halak na mangalului Jahowa.+
ל [Lamed]
11 Ro ma hamu akka anakku, tangihon ma au,Asa huajari hamu songon dia makkabiari Jahowa.+
מ [Mem]
12 Molo naeng sonang ngolumuna,Molo naeng ganjang umurmuna jala las rohamuna,+
נ [Nun]
13 Ikkon jagaonmuna do pamanganmuna sian na jahat,+Jala unang ma hatahon hamu gabus.+
ס [Samekh]
14 Pasiding ma akka ulaon na jahat jala ulahon ma na denggan.+Mardame ma hamu jala marsitutu ma hamu asa toktong mardame.+
ע [Ayin]
15 Diparrohahon Jahowa do halak na mangulahon na sittong,+Jala ditangihon do angguk-angguk ni nasida na mangido asa diurupi.+
פ [Pe]
16 Sogo do roha ni Jahowa tu akka halak na mangulahon na jahat,Na lao mate ma nasida, jala dang adong be halak di tano on na mangingot nasida.+
צ [Tsade]
17 Jou-jou do halak na tigor marroha, jala ditangihon Jahowa do nasida.+Paluaonna do nasida sian sude hasusaan ni nasida.+
ק [Qof]
18 Jonok do Jahowa tu halak na mandele.+Dipalua Ibana do akka halak na hancur rohana.+
ר [Res]
19 Godang do hasusaan* ni halak na tigor marroha,+Alai paluaon ni Jahowa do ibana sian i sude.+
ש [Sin]
20 Jagaon ni Debata do sude holi-holina.Dang maponggol nanggo sada pe.+
ת [Taw]
21 Mate do halak na jahat alani jea.Marsala do manang ise na marsogo ni roha tu halak na tigor marroha.
22 Jagaon ni* Jahowa do ngolu ni akka naposona.Manang ise na marlinggom tu Ibana dang na lao didok marsala.+
