1. Songon dia do halak Kristen di abad na parjolo sarupa tu Saksi Jahowa saonari?

 SEMANGAT do halak Kristen di abad na parjolo marbarita na uli. Rade do nasida diurupi, jala diihutton do petunjuk ni tondi parbadia. Nang pe adong penganiayaan, dang gabe mabiar nasida marbarita. Dipasu-pasu Debata do upaya ni nasida. Jala semangat na sarupa do na dipatuduhon Saksi Jahowa saonari.

2, 3. Aha do na menarik sian bukku Ulaon ni Apostel?

² Pasti dipatogu do rohatta manjaha akka pengalaman na disurat di bukku Ulaon ni Apostel. Unik do bukku on. Holan bukku on do bagian ni Bibel na paboahon sejarah ni halak Kristen di abad na parjolo dung dipahehe Jesus tu surgo.

³ Di bukku Ulaon ni Apostel, dipaboa do 95 goar ni halak na ro sian 32 negeri, 54 kota, dohot 9 pulo. Marmaccam do halak na dipaboa di bukku on, termasuk rakyat biasa, akka halak na maragama alai ginjang rohana, pejabat na sombong, dohot akka penganiaya. Alai na uppetting, dipaboa do di bukku on taringot halak Kristen di abad na parjolo na torus semangat marbarita nang pe menghadapi penganiayaan.

4. Boasa tadokkon sahabatta do si Paulus, si Tabita, dohot halak Kristen di abad na parjolo?

⁴ Dipaboa do di bukku on pengalaman ni Apostel Petrus dohot Apostel Paulus na bersemangat, si Lukas pangubati jala na dihaholongi, si Barnabas na burju, si Stepanus na barani, si Tabita na burju mangurupi, si Lidia na lomo rohana menerima tamu, dohot akka saksi na setia. Nang pe hampir 2.000 taon naung salpu nasida mangolu, alai hira sahabatta do nasida. Boasa tadok songon i? Ala sarupa do tugasta, i ma mambahen sisean. (Mat. 28:19, 20) Bangga do hita boi dohot tu ulaon i!

5. Mulai sian dia do akka sisean ni Jesus mangulahon tugas i?

⁵ Tapikkirhon ma muse tugas na dilehon Jesus tu akka siseanna. Ibana mandok, “Molo dung ro tondi parbadia i tu hamu gabe margogo ma hamu. Paboaonmuna ma taringot tu au di Jerusalem, di sude luat na di Judea, di Samaria, sahat tu ujung ni tano on.” (Ul. 1:8) Jadi parjolo sahali, diurupi tondi parbadia do akka sisean asa marbarita “di Jerusalem”. (Ul. 1:1–8:3) Dung i, marhite tondi parbadia dilehon ma petunjuk tu nasida asa marbarita “di sude luat na di Judea” dohot “di Samaria”.  (Ul. 8:4–13:3) Dukkon i, mulai ma dipaboa nasida barita na uli i tu godang inganan “sahat tu ujung ni tano on”.—Ul. 13:4–28:31.

6, 7. Boasa tadokkon lebih beruntung situasitta saonari sian halak Kristen najolo di ulaon marbarita?

⁶ Di abad na parjolo, dang adong Bibel na lengkap na boi dipakke halak Kristen marbarita. Alana taon 41 M pe baru tersedia Injil Mateus. Bukku Ulaon ni Apostel pe sae disurat sekitar taon 61 M. Jala piga-piga surat ni si Paulus dibahen sebelum sae bukku i. Jadi di abad na parjolo, dang lengkap dope salinan ni Surat na Badia, jala dang adong dope publikasi na boi dilehon tu akka halak. Sebelum gabe sisean ni Jesus halak Kristen Jahudi, jotjot do ditangihon nasida Akka Bukku Heber dijahahon di sinagoga. (2 Kor. 3:14-16) Alai tetap do porlu ringgas nasida marsiajar asa boi diingot akka ayat na lao dikutip tu akka halak.

⁷ Saonari, hampir sude do hita adong Bibelna be jala adong do publikasitta. Nga marbarita hita di 240 negeri jala di marragam bahasa.

8, 9. (a) Marhite bantuan ni tondi parbadia, aha do na boi diulahon sisean ni Jesus? (b) Marhite bantuan ni tondi parbadia, aha do na boi diulahon naposo haposan?

⁸ Tikki dilehon Jesus tugas tu akka siseanna lao marbarita, didok do tu nasida, “Molo dung ro tondi parbadia i tu hamu gabe margogo ma hamu.” Jadi alani tondi parbadia do boi akka sisean i mangulahon tugas na dilehon Jesus sahat tu ujung ni tano on. Diurupi tondi parbadia do si Petrus dohot si Paulus pamaluppon na marsahit, mangusir suru-suruan na jahat, bahkan pahehehon halak na mate. Alai na uppetting, marhite tondi parbadia gabe sanggup ma akka apostel dohot sisean na asing mangurupi akka halak mananda Debata, asa boi nasida mangolu salelengna.—Joh. 17:3.

⁹ Di ari Pentakosta 33 M, marpungu ma akka sisean di sada inganan jala makkatai ma nasida “di bahasa na asing, sesuai tu tudu-tudu na dilehon tondi parbadia”. Gabe boi ma dipaboa nasida “ulaon ni Debata na balga”. (Ul. 2:1-4, 11) Saonari, dang boi be hita makkatai di bahasa na asing secara mukjizat. Alai marhite bantuan ni tondi parbadia, dibahen naposo haposan do sijahaon di marragam bahasa. Misalna, dicetak do marjuta majalah Joujou Paboahon dohot Dungo ma! tiap bulan. Jala di situs web jw.org, tersedia do akka publikasi dohot video lobi sian 1.000 bahasa. Gabe boi ma diboto akka halak na sian sude bangso, suku, dohot bahasa taringot “ulaon ni Debata na balga”.—Pgk. 7:9.

10. Songon dia do perkembangan ni Bibel mulai sian taon 1989?

¹⁰ Mulai sian taon 1989, kerja keras do naposo haposan paradehon Bibel Hata ni Debata tu Akka Jolma na Naeng Mangolu di Tano na Imbaru di marragam bahasa. Hasilna, nungnga diterjemahon Bibel i tu lobi sian 200 bahasa, nungnga dicetak marpulu juta jala godang nai dope na lao dicetak. Holan alani bantuan ni Debata dohot tondi parbadia do boi marhasil upaya ni nasida.

11. Songon dia do kemajuan penerjemahan ni publikasitta saonari on?

 ¹¹ Ulaon penerjemahan on diulahon marribu sukarelawan Kristen di lobi sian 150 negeri. Dang porlu hita heran disi, ala holan on do memang organisasi di tano on na diurupi tondi parbadia paboahon barita na uli tu liat portibi on, taringot Jahowa, Raja Mesianikna, dohot Harajaonna naung jongjong i!—Ul. 28:23.

12. Aha do na diandalhon si Paulus dohot halak Kristen di abad na parjolo tikki marbarita?

¹² Tikki di Antiokia Pisidia, dipaboa si Paulus do barita na uli tu halak Jahudi dohot tu halak na so Jahudi. Hasilna, “gabe porsea ma sude halak na marpangalaho na denggan na mambahen nasida tama mandapot hangoluan saleleng ni lelengna”. (Ul. 13:48) Taringot si Paulus, disurat si Lukas do di bagian akhir ni Ulaon ni Apostel, “Barani do ibana paboahon taringot tu Harajaon ni Debata. . . . Jala dang adong biar ni rohana mangulahon i.” (Ul. 28:31) Didia do haroa si Paulus marbarita tikki i? Di Rom, ibukota ni kuasa dunia na umgogo. Dang soal marhite jamita manang cara na asing, berupaya do sisean ni Jesus di abad na parjolo marbarita tu sude halak. Diandalhon nasida do bantuan dohot petunjuk ni tondi parbadia.

13. Boasa porlu hita martangiang tikki dianiaya?

¹³ Tikki dianiaya sisean ni Jesus di abad na parjolo, martangiang do nasida asa tetap barani. Hasilna, digohi tondi parbadia ma nasida jala torus do nasida barani marbarita. (Ul. 4:18-31) Hita pe tatangiakkon do asa marbisuk jala margogo hita marbarita nang pe dianiaya. (Jak. 1:2-8) Ala taida do dipasu-pasu Debata upayatta jala diurupi tondi parbadia hita, gabe torus ma hita semangat marbarita. Dang adong na boi pasohon ulaonta marbarita dang soal sadia balga tantanganna. Tikki dianiaya, porlu do hita martangiang asa diurupi tondi parbadia hita, asa dilehon bisuk, jala asa barani marbarita.—Luk. 11:13.

14, 15. (a) Aha do hasil na denggan na boi taida “dung dibunu si Stepanus”? (b) Songon dia do godang halak di Siberia boi mananda hasittongan?

¹⁴ Tetap do barani si Stepanus paboahon barita na uli nang pe satokkin nai pamateon ni musu ibana. (Ul. 6:5; 7:54-60) Dukkon i “lam haccit ma” dibahen tu halak Kristen. Lari ma sude sisean tu sude luat na di Judea dohot Samaria, kecuali akka apostel. Nang pe songon i, dang gabe so ulaon marbarita. Lao do si Pilippus tu Samaria. Dibaritahon ma disi “taringot tu Kristus” jala massai denggan do hasilna. (Ul. 8:1-8, 14, 15, 25) Dipaboa do muse, “Dung dibunu si Stepanus, dibahen ma akka na haccit tu akka sisean. Gabe marserak ma nasida tu Penisia, tu Siprus, dohot tu Antiokia. Alai holan tu halak Jahudi do dipaboa nasida hata ni Debata. Nang pe songon i, adong do akka sisean na sian Siprus dohot Kirene na ro tu Antiokia. Dibaritahon nasida ma barita na uli taringot tu Tuan Jesus tu halak na marbahasa Junani.” (Ul. 11:19, 20) Jadi gabe lam rarat do barita na uli alani penganiayaan.

 ¹⁵ Hea do terjadi na sarupa di wilayah bekas Uni Soviet. Khususna taon 1950-an, marribu Saksi Jahowa diasingkan tu Siberia. Ala marserak do nasida tu godang inganan, gabe lam rarat ma barita na uli di wilayah i. Hira na so mungkin do di tikki i boi sahali godang Saksi marbarita tu inganan na daona hira-hira 10.000 kilometer, ala pasti butuh godang hepeng. Alai alani peristiwa on, hira na diurupi pamaretta ma nasida sahat tu inganan na dao i! Sahalak donganta mandok, “Ternyata gabe pamaretta sandiri do na mambahen marribu halak di Siberia mananda hasittongan.”

16, 17. Aha do na dipaboa di bukku Ulaon ni Apostel na patuduhon dipasu-pasu Jahowa ulaon marbarita?

¹⁶ Tarida do na dipasu-pasu Jahowa upaya ni halak Kristen di abad na parjolo. Si Paulus dohot sisean na asing do na manuan jala na maniram “alai Debata do na mambahen i tubu”. (1 Kor. 3:5, 6) Catatan taringot kemajuan ni ulaon marbarita na dipaboa di bukku Ulaon ni Apostel gabe bukti na dipasu-pasu Debata ulaon i. Contohna dipaboa do, “Gabe lam rarat ma hata ni Debata jala lam tamba godang ma akka sisean di Jerusalem.” (Ul. 6:7) Dang leleng dukkon i dipaboa do muse, “Lam dame jala lam togu ma sude huria di Judea, di Galilea, dohot di Samaria. Lam tamba ma godang ni sisean i, ai dihabiari nasida do Jahowa di parngoluon ni nasida jala diihutton nasida do tudu-tudu ni tondi parbadia.”—Ul. 9:31.

¹⁷ Boi do halak Jahudi dohot na marbahasa Junani di Antiokia Siria mambege barita na uli sian halak Kristen na barani. Catatan taringot i mandok, “Diurupi Jahowa do nasida, gabe lam godang ma halak na porsea jala diihutton nasida ma Tuan i.” (Ul. 11:21) Dukkon i dipaboa do muse kemajuan di kota i. Didok, “Lam rarat ma hata ni Jahowa jala lam godang ma halak na gabe sisean.” (Ul. 12:24) Ala torus do semangat si Paulus dohot na asing marbarita tu akka halak na sian bangso na asing, gabe “lam rarat ma hata i jala lam balga ma labana tu akka jolma”.—Ul. 19:20.

18, 19. (a) Boasa boi pos rohatta na diurupi Jahowa hita? (b) Paboa ma sada pengalaman termasuk na diingot hamu, taringot songon dia Jahowa mangurupi naposona.

¹⁸ Saonari on pe “diurupi Jahowa” do hita. Takkas do i tarida ala godang do halak na gabe porsea, dibaktihon do ngoluna tu Jahowa jala tardidi. Ala diurupi Debata, boi do hita martahan menghadapi tantangan na maol dohot penganiayaan na kejam. Jala boi do hita marhasil di ulaon marbarita songon si Paulus dohot halak Kristen di abad na parjolo. (Ul. 14:19-21) Pos ma rohatta donganan ni Jahowa do hita. “Tanganna na manoktong i” do manogu-nogu hita asa sanggup menghadapi sitaonon. (5 Mus. 33:27) Ingot ma, dang tadikkonon ni Jahowa naposona alani goarna na sangap i.—1 Sam. 12:22; Ps. 94:14.

¹⁹ Contohna pengalaman ni donganta si Harald Abt. Saleleng Perang Dunia II, dibahen Nazi do ibana tu kamp konsentrasi Sachsenhausen, alai tetap do ibana  marbarita disi. Bulan Mei 1942, ro ma Gestapo tu jabu ni istrina si Elsa. Dibuat ma boruna, poso-poso dope. Ditakkup ma si Elsa jala dikirim tu kamp konsentrasi. Si Elsa mandok, “Saleleng martaon-taon ma au di kamp konsentrasi na di Jerman. Boi ma hurasahon holan alani tondi parbadia ni Jahowa nama au sanggup martahan menghadapi sitaonon na massai borat on. Sebelum ditakkup au, hea do hujaha sada surat sian sahalak donganta borua. Didok ibana, ‘Tikki tahadapi sitaonon na borat, urupan ni tondi parbadia do hita asa boi tenang.’ Palobihu do hurasa hatana i tikki i. Alai dung hualami sandiri sitaonon i, hurasahon ma toho do hatana i. Maol do memang tabayakkon molo dang hea dope taalami. Alai tutu do boi hurasahon na diurupi Jahowa au.”

20. Aha do na diulahon si Paulus tikki gabe tahanan rumah ibana, jala songon dia do akka donganta maniru ibana?

²⁰ Di bagian akhir bukku Ulaon ni Apostel, dipaboa do na barani si Paulus “paboahon taringot tu Harajaon ni Debata”. (Ul. 28:31) Ala tahanan rumah do si Paulus, dang bebas ibana marbarita sian jabu tu jabu di Rom. Nang pe songon i, torus do ibana marbarita tu akka halak na ro manjuppangi ibana. Saonari, godang do donganta na so boi kaluar sian jabu, mungkin holan na peak nama di podoman manang tinggal panti wreda. Olo do ra ala nga matua nasida, ala marsahit, manang adong kelemahan fisikna. Alai, tetap do balga holong ni nasida tu Debata jala semangat marbarita na uli. Tatangiakkon ma nasida asa diurupi Jahowa nasida pajuppang dohot akka halak na tulus rohana mananda Debata dohot lomo ni rohana.

21. Boasa ikkon semangat hita marbarita na uli?

²¹ Godang do sian hita boi marbarita sian jabu tu jabu dohot mamakke cara na asing lao mambahen halak gabe sisean. Alani i tabahen ma sian nasa tolapta mangulahon tugas on asa sahat barita na uli i “tu ujung ni tano on”. Semangat ma hita mangulahon i, ai nungnga takkas be tarida “tanda” ni haroro ni Kristus i. (Mat. 24:3-14) Denggan ma tapakke setiap kesempatan, ai massai godang do saonari “ulaon ni Tuhan i”.—1 Kor. 15:58.

22. Aha do na ikkon taulahon andorang so ro dope ari ni Jahowa?

²² Sambil tapaima ro “ari ni Jahowa na balga i jala na parohon biar ni roha i”, torus ma hita bertekad asa tetap setia jala barani paboahon barita na uli. (Joel 2:31) Godang dope halak na boi tajuppangi. Jala songon halak Berea, “dijalo nasida do hata ni Debata sian nasa rohana”. (Ul. 17:10, 11) Jadi semangat ma hita mangulahon tugas on, asa didok Tuan i tu hita, “Denggan ma na binahenmi. Tutu ma ho hatoban na burju jala haposan!” (Mat. 25:23) Pos ma rohatta molo semangat do hita mangulahon tugasta mambahen sisean jala torus setia tu Jahowa, pasti dapotta do las ni roha saleleng ni lelengna. Tugas na istimewa do boi parsidohot paboahon barita na uli taringot Harajaon ni Debata!