“Sai Ro ma Harajaonmu”—Jotjot do on Ditangiakkon Marjuta Halak
Hea do hamu martangiang asa ro Harajaon ni Debata? Saleleng marratus taon, jotjot do ditangiakkon akka halak, “Sai ro ma Harajaonmu”. Boasa ditangiakkon akka halak on? Ala disuru Jesus do akka siseanna lao manangiakkon i.
Najolo, akka sisean ni Jesus pe dang pola takkas diattusi nasida taringot Harajaon i. Hea do disukkun nasida tu Jesus, “Ale Tuan na laho pajongjongonmu do muse saonari pamarentaon ni Debata di Israel?” Songgot do roha ni nasida ala dang dipaboa Jesus alusna. (Ulaon ni Apostel 1:6, 7) Nang pe songon i, boi do taboto taringot Harajaon ni Debata jala andigan do i ro tu tano on.
Di majalah on, dapotmuna ma annon alus ni sukkun-sukkun on:
Boasa porlu di hita Harajaon ni Debata i?
Ise do Raja ni Harajaon ni Debata?
Andigan do Harajaon ni Debata i mamaretta di tano on?
Aha do na lao bahenon ni Harajaon ni Debata?
Boasa ikkon tadukung Harajaon ni Debata saonari?
Aha do Harajaon ni Debata i?
Mungkin Lomo do Rohamuna Mamboto
AJARAN NI BIBEL NA PENTING
Aha do Harajaon ni Debata I?
Tikki di tano on Jesus, taringot Harajaon ni Debata do na paling sering dipaboa ibana. Saleleng marratus taon, sai ditangiakkon akka halak do asa ro Harajaon ni Debata.
ALUS NI BIBEL
Songon dia do Tangiang na Dijalo Debata—Holan Tangiang Ale Amanami do?
Holan Tangiang Ale Amanami do tangiang na ditangihon Debata?
