HALAK Heber na tinggal di Tano na Dijanjihon memulai taon na baru setiap musim mambajak dohot manuan. Hira-hira bulan September manang Oktober ma i saonari.

Najolo adong dua cara na dipakke lao manottuhon andigan pergantian taon dimulai. Na parjolo, mangihutton perputaran bulan (leleng ni sabulan 29 manang 30 ari). Na paduahon, mangihutton perputaran matahari. Ussingkat do perputaran bulan sian perputaran matahari. Jadi ikkon dilului nasida do cara asa boi dipakke dua metode penanggalan on. Misalna ditambai ma piga-piga ari tu setiap taon. Manang ditambai ma sabulan dung bulan parpudi tu piga-piga taon tertentu. Alani i gabe boi ma nasida memulai musim manuan dohot musim panen di bulan na sarupa ganup taon.

Alai di jaman ni si Musa, didok Jahowa do tu bangso Israel asa dimulai taon na baru setiap bulan Abib manang Nisan. Jala di bulan i do nasida mambahen akka perayaan lao manomba Jahowa. (2 Mus. 12:2; 13:4) Di bulan i do tong nasida panen barli.—2 Mus. 23:15, 16.

Di bukku The History of the Jewish People in the Age of Jesus Christ, (175 B.C.–A.D. 135), dibahen sahalak pakar na margoar Emil Schürer do songon on, “Dang maol mangattusi songon dia carana manambai sabulan tu kalender sataon.” Didok ibana muse, “Perayaan Paska dirayahon di tikki bulan purnama di bulan Nisan (14 Nisan). Dirayahon ma i dung ekuinoks (ganjang ni arian dohot borngin sarupa, i ma 12 jam). Jadi molo di ujung ni taon, diida nasida ternyata Paska dirayahon sebelum ekuinoks i, ditambai ma sabulan tu kalender sataon, i ma sebelum bulan Nisan.”

Cara on ma na dipakke Saksi Jahowa lao manottuhon andigan tanggal na pas mangarayahon Borngin Parningotan ni Tuan, na merujuk tu tanggal 14 Nisan di kalender ni halak Heber. Hira-hira di bulan Maret manang April ma i di kalender saonari. Dung diboto nasida andigan tanggal na pas, pittor dipaboa nasida do i tu akka huria na adong di liat portibi on. *

Alai songon dia do halak Heber najolo mamboto nungnga sae be sabulan jala lao dimulai nama bulan na baru? Molo saonari boi do langsung taida i sian kalender manang sian perangkat elektronikta. Alai di jaman ni Bibel najolo dang mura mamboto i.

Di jaman ni si Noak, sabulan lelengna 30 ari. (1 Mus. 7:11, 24; 8:3, 4) Alai di kalender ni halak Heber najolo, sabulan lelengna dang selalu 30 ari. Bulan na baru dimulai dung pemunculan bulan sabit na baru, hira-hira 29 manang 30 ari dukkon dimulai bulan sebelumna.

Hea do si Daud dohot si Jonatan mandok songon on, “Bulan baru do marsogot.” (1 Sam. 20:5, 18) Sian on taboto ma molo di abad 11 SM, nungnga mulai maju be sistem penanggalan. Boha ma cara ni halak Israel manottuhon andigan bulan baru dimulai. Dipaboa do informasi taringot i di Misnah, i ma bukku na marisi hukum dohot tradisi ni halak Jahudi. Disi didok, na martanggung jawab mangulahon i, i ma Sanhedrin (pengadilan tinggi ni halak Jahudi). Pitu hali di bagasan sataon marpungu do nasida setiap tanggal 30 lao manottuhon andigan bulan na baru dimulai. Songon dia ma cara ni nasida manottuhon i?

Ditugasson ma akka bawa marjaga di ginjang ni dolok na di sakaliling ni Jerusalem lao mangida pemunculan bulan sabit na baru. Dung i dipaboa nasida ma i tu Sanhedrin. Molo dirasa Sanhedrin nungnga cukkup be informasi i, dipaboa nasida ma nungnga dimulai be bulan na baru. Alai songon dia do molo tikki marjaga akka bawa i adong kabut manang awan, gabe dang jelas diida nasida pemunculan bulan sabit na baru i? Dibulatton nasida ma bulan sebelumna 30 ari, jala boi ma dimulai bulan na baru.

 Lao paboahon keputusan ni Sanhedrin i, dibahen nasida ma api di puncak ni Dolok Jetun na jonok tu Jerusalem. Dibahen do muse api di akka inganan na timbo di Israel. Belakangan dang dipakke be cara on, alai disuru ma halak paboahon i tu akka huta na di Israel. Jadi gabe diboto halak Jahudi na di Jerusalem dohot na di Israel ma nungnga mulai be bulan na baru. Gabe boi ma nasida mambahen perayaan di tikki na sarupa.

Boi do diida hamu di tabel on akka bulan, perayaan, dohot akka musim ni halak Heber najolo.