TETAP MA MARJAGA-JAGA!
Sai Didok Akka Pamimpin Politik do na Lao Terjadi nama Armagedon—Aha do na Didok Bibel Taringot i?
Di ari Senin manogot, 10 Oktober 2022, ditembakkon Rusia ma rudal tu akka kota di Ukraina. Alana dua ari sebelumna, adong ledakan na manghancurhon jembatan utama sian Krimea tu Rusia. Dang leleng andorang so terjadi serangan i, nungnga piga-piga hali dipaingot akka pamimpin politik na naeng terjadi nama Armagedon.
“Parpudi hita menghadapi ancaman na lao terjadi nama Armagedon, i ma Krisis Rudal Kuba di tikki ni [Presiden Amerika Serikat] si Kennedy. Molo au mandok, dang mungkin dang ro Armagedon molo sappe dipakke senjata nuklir.”—Presiden Amerika Serikat Joe Biden, 6 Oktober 2022.
“Hurasa memang naeng ro nama Armagedon i. Nga lam bahaya be situasi ni portibi on saonari.”—Presiden Ukraina Volodymyr Zelensky, tikki disukkun taringot aha na lao masa molo sappe dipakke senjata nuklir, BBC News, 8 Oktober 2022.
Tutu do na lao terjadi nama Armagedon i molo dipakke senjata nuklir? Aha do na didok Bibel taringot on?
Na lao terjadi nama Armagedon molo dipakke senjata nuklir?
Daong. Holan sahali do dipaboa hata “Armagedon” di Bibel, i ma di Pangungkapon 16:16. Jala dang na maksudna parporangan ni bangso tu bangso. Alai Armagedon maksudna i ma tikki Debata marporang mangalo “akka raja na di tano on”. (Pangungkapon 16:14) Di tikki Armagedon ma Debata manghancurhon sude pamarettaon ni jolma.—Daniel 2:44.
Boha do annon situasi ni tano on tikki ro Armagedon i? Lao mamboto alusna, jaha ma artikel “Aha do Porang Armagedon i?”
Na lao hancur do tano on dohot sude isina alani porang nuklir?
Daong. Molo tung pe dipakke jolma annon senjata nuklir tikki marporang, dang paloason ni Debata hancur tano on. Bibel mandok:
“Hot do anggo tano on saleleng ni lelengna.”—Parjamita 1:4.
“Lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna.”—Psalmen 37:29.
Nang pe dang na lao hancur tano on alani porang nuklir, alai tetap do muba situasi ni portibi on satokkin nai. Dipaboa do di Bibel taringot i jala akka na masa nuaeng pe mambuktihon na tutu do i. (Mateus 24:3-7; 2 Timoteus 3:1-5) Lao mamboto aha na didok Bibel taringot masa depan ni jolma haduan, coba hamu ma jo marsiajar Bibel secara gratis.
Mungkin Lomo do Rohamuna Mamboto
ALUS NI BIBEL
Na Lao Hancur do Portibi On?
Di Bibel, dipaboa do aha na lao bahenon ni Debata tu tano on.
AJARAN NI BIBEL NA PENTING
Aha do na Tinuju ni Debata Manompa Tano On?
Massai denggan do tano on ditoppa Debata. Pas do jarakna sian mataniari. Pas do kemiringanna jala pas do parputarna. Boasa ma pola dibahen Debata songon i?
ALUS NI BIBEL
Aha do Tanda ni “Ari Parpudi” manang “Ujung ni Ari” i?
Dipaboa do di Bibel godang akka na terjadi secara bersamaan na patuduhon ari parpudi.
TETAP MA MARJAGA-JAGA!
Serangan Rusia tu Ukraina—Naung Disurat Hian do on di Bibel?
Penting do diboto hamu taringot peristiwa on.
JOUJOU PABOAHON
Boi do Hita Malua sian Porang Armagedon?
Godang do halak na mabiar tingki mambege hata Armagedon. Alai, aha do sasintongna lapatan ni hata i?
TARINGOT HAMI
Kunjungi Hamu ma Au
Marsiajar akka topik na sian Bibel manang mamboto taringot Saksi Jahowa.
